Heaven Peralejo umamin sa harap ni Marco Gallo: Kung iba po ang partner ko, siguro may kulang…talagang inaalagaan niya po ako’
Heaven Peralejo at Marco Gallo
KAHIT hindi diretsahang aminin nina Heaven Peralejo at Marco Gallo, kitang-kita sa mga kilos at tinginan nila na may namamagitan na nga sa kanilang dalawa.
Humarap sina Heaven at Marco last April 19 sa mga miyembro ng entertainment media sa presscon ng kanilang romance-drama series na “The Rain In España” na mapapanood sa Viva One streaming platform simula sa May 1.
Mismong ang direktor na ng naturang serye na si Theodore Boborol ang nagsabi na tila nagkadebelopan na ang dalawa base sa mga nasaksihan at nababalitaan niya about the two youngstars.
View this post on Instagram
“Tinutukso ko na sila before the start of the shoot kasi nung in-announce na sila yung cast (ng The Rain in España) lumalabas yung mga PBB video clip nila nung teenager pa sila.
“Si Marco pala, iniyakan si Heaven tapos may halikan na naganap, first kiss. So, nung first few days (ng taping) sobrang tuksuhan yung dalawa. Tinutukso namin sila sa isa’t isa. Pero after the shoot, napapansin ko sa social media, may something,” ang pambubuking ng direktor.
Baka Bet Mo: Marco Gallo nainis ba kay Kuya Kim matapos ang comment nito sa mensahe kay Kisses?
Sa mga hindi pa masyadong aware, unang nagkasama sina Marco at Heaven sa reality show na “Pinoy Big Brother: Lucky Season 7” ilang taon na ngayon ang nakararaan.
Ayon naman kay Marco, mas nakilala pa niya si Heaven nang magsama sila sa “The Rain in España”, “Working with her was probably the best work I have ever done. It didn’t even feel like work really.
“I love the professionalism because we’re really rehearsing. We’re really wanted to give the best that we could.
“We’re not just playing around on set, we really worked hard for it. I’m really really happy that I got to work with her,” pagbabahagi pa ng Filipino-Italian actor.
Dugtong pa niya, “If people watched PBB, like our batch, I did like her at the time and we lost track of each other. I did recognize her at the same time but it was like a matured version of her.
View this post on Instagram
“While working, I just saw different sides of her that I never knew about and I liked it. I did. And while working with her, I saw how supportive she was which is to me the most important thing.
“I don’t like having drama on set, I don’t like that stuff, and just the fact that she gives me what I need… the only thing I can do is just make her happy on set as well. I did enjoy my time with her. I did,” pag-amin ni Marco.
Sey naman ni Heaven, talagang inalagaan siya ni Marco habang ginagawa nila ang “The Rain in España”, “Kung iba po ang kapartner ko, siguro may kulang. Siya kasi talagang inaalagaan niya rin ako at saka yung show po so I’m really happy to work with Marco.
“Si Marco, kapag hindi niyo pa kilala, sobrang serious niya as a person. Yun ang aura na ibinibigay niya pero once na makuha mo na yung kiliti niya, yung humor niya.
“May times na nasa set kami, hindi maka-take kasi tawa kami nang tawa sa isa’t isa. Yung mga inside joke lang naman,” aniya pa.
Ang “The Rain In España” ay mula sa bestselling Wattpad novel by Gwy Saludes. Kasama rin dito sina Bea Binene, Gab Lagman, Aubrey Caraan, Nicole Omilio Krissha Viaje, Andre Yllana, Frost Sandoval, Francis Magundayao at Gabby Padilla.
Mapapanood na ito sa Vivarium One simula sa May 1.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.