Marco Gallo, Heaven Peralejo keri nga bang pumalit sa dating trono nina James Reid at Nadine Lustre sa Viva?
Marco Gallo at Heaven Peralejo
SIGURADONG ngayon pa lang ay abangers na ang mga fans nina Heaven Peralejo at Marco Gallo sa pagsasamahan nilang bonggang project together, ang Viva Entertainment series na “The Rain In España.”
Sa naganap na cast reveal last November 3 para sa nasabing serye ay ipinakilala nga sina Heaven at Marco na unang nagkasama sa “Pinoy Big Brother Lucky 7” ng ABS-CBN noong 2016.
Ang “The Rain in España” ay series adaptation ng Wattpad University series na isinulat ni Gwy Saludes na humamig na ng 550 million combined reads. Ito’y ididirek ni Theodore Boborol.
Sey ni Marco, excited na siya na makatrabaho for the first time si Heaven. Never daw niyang na-imagine na magiging magka-loveteam after six years mula nang magsama sila sa loob ng Bahay ni Kuya.
“Definitely, I’m super lucky about that. Can’t wait to do taping, you know. Sometimes going to work is really…it’s really scary especially sinceI’m 21 and being given this kind of project is really stressful sometimes,” sabi ng binata.
View this post on Instagram
“But with the right people behind you, it just turns your life around in a way. It just makes you excited about work. Yeah, I’m just really, really excited to shoot with everyone,” sey pa ng aktor.
Dagdag ni Marco, “Definitely I can say that six years ago a lot has happened and because of those things happening we kind of lost each other. We weren’t really guided the right way.
“But now that we have our own minds and our own responsibilities, I think there’s a lot more communication between the two of us,” sey ng aktor.
“We clarified what we want and what we don’t like and I love that. I really did, because it’s easier for both of us. I’m just really happy to be working with you again Heaven,” dugtong niya.
Paglalarawan naman ni Heaven kay Marco nang muli silang magkita at magkasama, “Sobrang laki ng pagbabago namin from six years ago. Sobbrang laki din ng nakita kong pagbabago ni Marco in a good way. But at the same time, alam ko na siya pa rin yung Marco na nakilala ko noon.
“Nakikita ko pa rin yung glimpses and then lumalabas tuloy yung pagiging makulit ko ulit. Kasi siyempre tumanda, kapag babae mabilis mag-mature.
“So, medyo prim and proper ako pero nu’ng nagkausap na kami parang bata ulit ako na sobrang kulit namin pareho. Nailabas niya ulit yung makulit na Heaven,” hirit ng dalaga.
Samantala, inamin ni Marco na may naramdaman siyang frustration noon dahil sa mabagal na takbo ng kanyang career kaya ngayon ay wala na siyang masyadong expectations.
“I got hurt by that because before I used to expect a lot and it wouldn’t go the way that I would think.
“This pandemic helped both of us to really take it day by day and work on what we have today and don’t care really about tomorrow and just give our best in the present,” pag-amin ni Marco.
May mga nagsasabi na posible raw mag-hit nang bonggang-bongga ang loveteam nina Marco at Heaven at kapag nangyari ito baka raw sila na ang magiging next JaDine (James Reid at Nadine Lustre).
Reaksyon ni Marco, “I’m not James Reid, I’m Marco lang.”
Para naman kay Heaven, “Ako, hindi ko ine-expect na ganu’n, na sobra kaming sisikat sa series na ito. Kasi iba naman ito eh. This is a new show, a new story.
“’Yung fans talaga ang magbibigay ng ligaya sa amin. Kung magugustuhan nila kami sobrang matutuwa talaga kami. Kapag hindi naman at least we did our best. Personally, optimistic ako na this is gonna be a great show dahil nga kay Direk Ted ‘yan,” aniya.
Heaven umaming naging ‘rollercoaster’ ang buhay: I’m in the phase of loving myself
Marco Gallo nainis ba kay Kuya Kim matapos ang comment nito sa mensahe kay Kisses?
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.