Blackpink Jisoo may solo debut sa March 31, abangers na ang fans: ‘The moment we’ve all been waiting for!’
INAABANGAN na ng fans ang solo debut ni Jisoo, ang isa sa mga miyembro ng K-Pop girl group na Blackpink.
Ang exciting news ay ibinandera mismo ng talent agency na YG Entertainment sa social media.
Naglabas sila kamakailan lang ng teaser photo para sa solo project ni Jisoo.
Wala pang masyadong detalye, pero nakatakda itong ilabas sa March 31.
View this post on Instagram
Libo-libong fans naman ang napa-comment at hindi na makapaghintay sa magiging pasabog ng K-Pop idol.
Narito ang ilan sa mga nabasa namin:
“YESS THIS IS WHAT I WAS WAITING!!! [red heart emojis]”
“Soloist Jisoo is about to finally be revealed to the world! Blinks are more than ready [fire emoji]”
“AFTER 4 YEARS OF WAITING. FINALLY A SOLO FROM JISOO! really looking forward to your first solo song [red heart emoji].”
Para sa mga hindi pa masyadong aware, si Jisoo ang huling miyembro ng Blackpink na maglalabas ng solo music.
Unang nag-release ng sariling kanta si Jennie, at sumunod naman diyan sina Rosé at Lisa.
Gayunpaman, sumabak na sa acting career si Jisoo at nauna riyan ang kanyang guest appearance sa 2015 series na “The Producers.”
Noong 2022 naman ay pinagbidahan niya ang K-Drama na pinamagatang “Snowdrop.”
Samantala, kasalukuyang nagaganap ang “Born Pink” world tour ng nasabing girl group at isa sa pagtatanghalan nilang bansa ay ang Pilipinas.
Mangyayari ito sa March 25 at 26 sa Philippine Arena sa Bulacan.
Related chika:
BLACKPINK Jisoo, Jennie at Rosé negatibo sa COVID-19
Solo album ni Rose ng Blackpink, nagpapaalala sa kanya ng isang bagay
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.