Alyssa Valdez nagbigay ng update sa kanyang knee injury: ‘Long way to go but slow progress is still progress’
Alyssa Valdez
MAKALIPAS ang mahigit isang buwan, nagbigay ng update ang Pinay athlete at dating “Pinoy Big Brother” housemate na si Alyssa Valdez tungkol sa kanyang knee injury.
Sumasailim sa therapy sessions ang volleyball superstar matapos mapuruhan ang kanyang tuhod sa huling paglalaro niya para sa Premier Volleyball League Reinforced Conference.
Dahil nga sa tinamong injury, pinayuhan siya ng kanyang doktor na tumigil muna sa paglalaro ng volleyball at magpahinga ng ilang linggo.
“Long way to go but slow progress is still progress. I was so scared to take that first step, single leg squats and a lot more exercises.
“Grabe!! Just grateful to all the people who have been supporting and helping me—my doctors, PTs & my @coolsmashers family,” ang bahagi ng social media post ni Alyssa.
View this post on Instagram
Ipinakita pa ng national volleyball player sa madlang pipol ang iba’t ibang exercise at training na ginagawa niya with her coaching staff during her recovery period.
Ibinalita rin ng dalaga sa kanyang mga fand at followers na regular pa rin siyang uma-attend sa training sessions ng kanyang team, ang Creamline Cool Smashers.
“Doing my therapy during training time (& @rehub) dahil kahit pinapanuod ko lang sila it gives me hope to be back on court in no time!!
“I hope you find that something that will inspire and motivate you – it could be the smallest thing or situation in front of you,” dagdag na chika ni Alyssa.
Humanga naman ang mga netizens at ilang celebrities sa tapang at pagpupursige ni Alyssa na gumaling at muling makapaglaro ng volleyball.
Kabilang na riyan sjna Samantha Bernardo, Jia Morado at Michele Gumabao na napakomento pa ng, “Mas magaling pa siya mag single leg squats sakin.”
Marami naman ang nangako kay Alyssa na patuloy na ipagdarasal ang tuluyan niyang paggaling. Anila, maraming nai-inspire na kabataan ang dalaga dahil sa pagiging mahusay na volleyball player.
Jose Manalo nagka-ACL injury dahil sa basketball, nakalaban ang mga dating PBA superstars
Alyssa Valdez, Sofia Andres nag-positive rin sa COVID, muling nagbabala sa publiko
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.