Ashley Ortega matapos lumabas sa PBB: I hope I get to inspire a lot of people!

PHOTO: Instagram/@ashleyortega

LUBOS ang pasasalamat ng Kapuso actress na si Ashley Ortega matapos ma-evict sa “Pinoy Big Brother Celebrity Collab Edition” kamakailan lang.

Sa isang Instagram post, aminado ang aktres na naramdaman niya ang pagmamahal at suporta ng kanyang fans habang nasa Bahay ni Kuya.

Dahil diyan, nagkaroon siya ng special video greeting upang magpasalamat.

“Sa lahat po ng supporters ko at nanood sa akin sa PBB, maraming, maraming salamat po sa inyong lahat!” bungad niya sa video post.

Baka Bet Mo: Ashley Ortega nilayasan ang pamilya: Sobrang sakit, Ma! Hindi ko na kaya!

Pag-amin niya, “Hindi ko po alam kung ano ‘yung mararamdaman ko ngayon. I’m super overwhelmed, pero I’ll make time to reply to everyone kung kaya.”

“Pero ang tanging masasabi ko lang ngayon is salamat po talaga. Kailangan ko munang i-process lahat ng nangyari kasi wala po akong alam,” patuloy ng dalaga.

Mensahe pa niya, “Thank you so much for all the love and support, and I hope I get to inspire a lot of people.”

 

View this post on Instagram

 

A post shared by Sparkle GMA Artist Center (@sparklegmaartistcenter)

Magugunitang nag-trending sa social media ang naganap na eviction night ng PBB kung saan sina Ashley at AC Bonifacio ang kauna-unahang celebrities na lumabas sa reality show.

Silang dalawa ang nakakuha ng pinakamababang boto na 17.25%, habang naligtas naman ang duo nina Michael Sager at Ralph de Leon (RaMi) na nakakuha ng 45.89% ng mga boto.

Bago tuluyang lumabas ng Bahay ni Kuya ang dalawa, nagbigay muna ng message sa kanila si Big Brother: “Sa paglabas n’yo ng aking bahay, nawa’y bitbitin n’yo ang mga aral at karanasan upang magpatuloy sa totoong hamon ng buhay.”

“Even through the deepest hurt, may you find strength in forgiveness to heal and move forward,” paalala pa niya.

Samantala, after nina AC at Ashley sa Bahay ni Kuya, inanunsyo naman ang pagpasok ng aktres at beauty queen na si Michelle Dee.