Ashley Ortega humagulgol matapos patawarin ng ina: Sana magkita na kami
Ashley Ortega
BAGO ma-evict sa Bahay ni Kuya kagabi, March 29, nakatanggap naman ng magandang sorpresa si Ashley Ortega mula sa kanyang ina.
Sa huling sandali ng Kapuso actress bilang housemate sa “PBB Celebrity Collab Edition“, muli siyang pinapunta ni Big Brother sa confession room at ipinabukas ang isang kahon.
Naglalaman ito ng sulat mula sa nanay ni Ashley na tatlong taon na niyang hindi nakakausap. Pagkabuklat pa lamang niya ng papel ay napahagulgol na agad ang dalaga.
Binasa ng aktres ang letter: “Dear Ashley, matagal na kitang pinatawad. Matagal na rin akong nag-aantay sa ‘yo. Tandaan mo, mahal na mahal kita.
“Kayong mga anak ko, ginagawa ko lahat para sa inyo kaya ganyan ako ka-strict at maalaga. Mag-ingat ka at magdasal ka parati. Love, Mama,” ang kabuuang mensahe ng nanay mg dalaga.
Answered prayer para kay Ashley ang message ng kanyang nanay dahil nabanggit nga niya sa loob ng Bahay ni Kuya na umaasa siyang magkakaayos din sila ng ina sa tamang panahon.
View this post on Instagram
“I’m happy that she’s watching me. And sana po talaga Kuya, paglabas ko dito, magkita po kami. Pero nagpapasalamat ako na hindi na siya galit sa akin,” sey ni Ashley.
Matatandaang nagbukas ng kanyang saloobin si Ashley tungkol sa samaan ng loob nila ng ina. Naitanong sa kanya kung gaano kalaki ang sakit na naidulot sa kanya ng ina.
“Sobrang sakit, Ma. To the point na I left because hindi ko na kaya talaga. I know I caused you so much pain when I left because alam ko ring binuhos mo rin ‘yung mundo mo sa akin.
“I appreciate you for that. I just wanted to leave because ayoko ‘yung habang buhay may hatred ako sa Mom ko. Ayokong lumaki nang lumaki ‘yung hatred ko sa ‘yo, Ma.
“That’s why I just chose to leave to distance myself. To give space for myself and for you also. So that you can focus on yourself first,” paliwanag ng celebrity housemate.
Dagdag pa niya, “I am grateful na binigay mo sa akin lahat ng oras mo. You’re the reason why I’m a figure skater. You’re the reason why I’m a good actress. You’ve been there.”
Bukod kay Ashley, nagpaalam na rin sa “Pinoy Big Brother Celebrity Collab Edition” ang kanyang ka-tandem na si AC Bonifacio matapos ang naganap na first eviction night.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.