Ashley Ortega, AC Bonifacio pinalabas na sa PBB house; Michelle Dee pasok!
AC Bonifacio at Ashley Ortega
TRENDING ang naganap na eviction night ng “Pinoy Big Brother Celebrity Collab Edition” kagabi, March 29, kung saan sabay na lumabas ng Bahay ni Kuya sina AC Bonifacio at Ashley Ortega o ACLey.
Sila ang kauna-unahang celebrity evictees sa naturang reality show na napapanood sa ABS-CBN at GMA 7, matapos makakuha ng pinakamababang boto na 17.25%.
Naligtas ang duo nina Michael Sager at Ralph de Leon (RaMi) na nakakuha ng 45.89% ng mga boto, na sinundan nina Will Ashley at River Joseph (WilVer) na nakakuha ng 36.87% .
Hindi naman napigilan nina AC at Ashley ang maging emosyonal nang malaman ang naging resulta ng botohan. Bago sila tuluyang lumabas ng Bahay ni Kuya, nagbigay muna ng message sa kanila si Big Brother.
“Sa paglabas n’yo ng aking bahay, nawa’y bitbitin n’yo ang mga aral at karanasan upang magpatuloy sa totoong hamon ng buhay.
“Even through the deepest hurt, may you find strength in forgiveness to heal and move forward,” paalala pa niya.
View this post on Instagram
Pagkalabas ng Big Brother house, sinalubong ang dalawang evictees ng mga host ng programa. Dito nasaksihan ang mahigpit at emosyonal na yakapan ni Ashley at ng boyfriend niyang si Mavy Legaspi na isa sa “PBB” online host.
Samantala, after lumabas nina AC at Ashley sa Bahay ni Kuya, in-announce naman ang pagpasok ng aktres at beauty queen na si Michelle Dee.
At ngayong araw, ihahayag naman ang dalawa pang bagong housemates na papasok sa “PBB” house, isang Kapamya at isang Kapuso.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.