Ashley Ortega, AC Bonifacio babu na sa Bahay ni Kuya, unang evictee ng ‘Celebrity Collab’

TULUYAN na ngang lumabas ng Bahay ni Kuya ang magka-duo na sina Ashley Ortega at AC Bonifacio bilang kauna-unahang evictee ng “Pinoy Big Brother: Celebrity Collab”.

Nitong Linggo, March 29, naganap ang unang eviction night ng pinakabagong edisyon ng PBB kung saan nominado rin ang kanilang kapwa housemates na sina Ralph de Leon, Michael Sager, River Joseph, at Will Ashley.

Sina Ashley at AC nga ang nakatanggap ng pinakamababang boto na umabot ng 17.25% habang sina River at Will ay nakakuha ng 36.87% at ang pinakamataas na boto ay sina Ralph at Michael na nakakuha ng 45.89% ng total votes.

Kapwa umiiyak at tila hindi pa nagsi-sink in sa dalawa ang pangyayari.

Baka Bet Mo: Ashley Ortega nilayasan ang pamilya: Sobrang sakit, Ma! Hindi ko na kaya!

 

View this post on Instagram

 

A post shared by Bandera (@banderaphl)

Nang tuluyan na silang lumabas nang bahay at sinalubong ng mga fans at supoorters ay makikitang emosyonal pa rin sina Ashley at AC.

Agad naman silang niyakap ng mga hosts para pagaanin ang kanilang pakiramdam.

Natanong naman sina AC at Ashley kung ano ang kanilang mga mami-miss sa kanilang paglisan sa loob ng PBB house.

“The housemates. I love them so dearly, I love them so much and I’ve grown to love them so much more and I will everything I can dito sa labas to protect them and show you guys that they are all such a wonderful people,” sey ni AC.

Sagot naman ni Ashley, “Salamat po sa lahat ng pumunta rito. Thank you, guys. Mami-miss ko ‘yong mga housemates ko, lahat ng mga pinagdaanan namin sa loob. Lahat ng pinagdaanan ko. It made me a better person.”