Northern Samar, Davao Occidental niyanig ng 4.6 magnitude na lindol
PHOTO: Facebook/PHIVOLCS-DOST
MAGKASUNOD na 4.6 magnitude na lindol ang naramdaman ngayong araw, December 15, sa may Visayas at Mindanao.
Nauna na riyan ang nasa Northern Samar na nilindol kaninang 3:44 a.m.
Ayon sa Philippine Institute of Volcanology and Seismology (Phivolcs), natunton ang sentro ng lindol sa bayan ng Lope De Vega.
Habang ang pagyanig naman sa Davao Occidental ay naganap kaninang 4:42 a.m. at ang sentro nito ay nasa isla ng Balut sa may bayan ng Sarangani.
Base sa report ng Phivolcs, wala namang naitalang mga intensity o pagyanig sa kalapit na mga lugar.
Tiniyak din ng ahensya na walang aasahang aftershocks, pati pinsala ng mga ari-arian at imprastraktura.
Read more:
Janno Gibbs ramdam na ramdam ang lindol sa La Union; Sunshine Guimary naiyak, na-trauma
Beatrice Gomez muling nanawagan ng tulong para sa mga biktima ni Odette: We cannot make them wait
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.