Moira dela Torre sa paghihiwalay nila ni Jason Hernandez: I think my heart was prepared for it
SA unang pagkakataon ay nagkuwento na si Moira Dela Torre tungkol sa paghihiwalay nila ng asawang si Jason Marvin Hernandez noong Mayo 2022.
Ang singer/songwriter na asawa ni Moira ang umaming hiwalay na sila ng asawa at kasalanan niya ang lahat dahil hindi siya naging tapat sa tatlong taong pagsasama nila.
Ayon naman sa multi-awarded singer ay simula palang ng taon ay may kutob na siyang may ginagawang hindi maganda ang asawa base sa panayam niya kay MJ Felipe ng TV Patrol nitong Biyernes.
“I think when the year (2022) started palang, I was getting this weird feeling that I was about to enter into a new season and I didn’t know what it was. It’s been a long time coming and I think my heart was prepared for it,” kuwento ni Moira.
Hindi naman itinanggi ng manga-awit na labis siyang nasaktan, “every ending is painful but a new wake up is a new beginning.”
View this post on Instagram
Bilang singer/songwriter ay apektado ang kanyang trabaho na sa kabilang banda ay dito rin siya humugot ng lakas.
“When I exited that season I felt like I was released from prison or something. It felt like I was allowed to be the created Moira wrote Malaya and I lost her a little bit.
But now, I’m very careful with the people that I allow in to my life,” sabi ng tinaguriang Queen of Hugot Songs.
Samantala, may bagong awiting sinulat si Moira na ipaparinig niya ito sa kanyang World Tour concert. May kinalaman kaya ang bagong kanta sa nangyari sa kanila ni Jason.
“Let’s just say I wrote it during those times. I’m not curating an album because I want new hits. I curated an album to be honest,” katwiran nito.
Kapansin-pansin ang aura ngayon ni Moira na hudyat nan aka moving forward na siya.
“I think I just healed. There was a long time where I wasn’t confident in how I look, how I felt and ngayon ko lang siguro naramdaman na I don’t look so bad after all,” napangiting sagot ng Cornerstone artist.
Tanong ng lahat, handa na ba uling umibig si Moira Dela Torre?
Tumawa ng husto ang mang-aawit at sabay sabing, “I’m open!”
Pero hindi raw siya naghahanap, “I know they’ll come.”
Moira dela Torre tinuldukan ang isyung hiwalayan kay Jason Marvin Hernandez
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.