Jessy Mendiola ibinandera ang ‘bahay-on-the-go’: Si Baby Peanut ang reason kaya bumili ako nito

PHOTO: Screengrab from Jessy Mendiola’s YouTube vlog

IPINASILIP ng aktres at mom-to-be na si Jessy Mendiola ang bago niyang milestone matapos makabili ng customized van o ‘yung tinatawag niyang “bahay-on-the-go.”

Kung ang ibang celebrities ay may “artista van” na usual nilang gagamitin sa trabaho,  aba ang main purpose naman ni Jessy kaya siya nagpa-customize ng van ay para may magamit ang kanyang lumalaking pamilya.

Nagkaroon pa nga siya ng van tour sa YouTube at ikinuwento ng aktres na matagal na niyang pangarap ang magkaroon ng ganitong klaseng sasakyan.

Sey ni Jessy, “Isang milestone for me ito kasi gusto ko lang i-share na ‘nung nagte-taping pa ako, ‘yung gumagawa pa ako ng mga teleserye, pangarap kong magkaroon ng ganitong kotse at magpa-customize. Pero dahil hindi ko pa kaya noon, siguro kasi mas inuna ko ‘yung family ko kaysa sa sarili ko.”

Dagdag pa niya, “Kaya naisip ko na sayang naman sa pera kung nagte-taping ako tapos lagi naman akong nasa set. Hindi ko naman kailangan ng malaking van or ng customized na van so pinagpaliban ko muna.”

Inamin din niya na ang nagtulak sa kanya na bumili na talaga ng van ay dahil na rin kay baby Peanut.

Chika niya, “But I think, ito ‘yung reason kung bakit naisip kong bumili at magpa-customize ng van is beacuse of baby Peanut. Si baby Peanut lang pala ang makakapg-push sa akin na bumili ng ganito.”

Gaya nga ng sinabi ni Jessy, mala-bahay ang features na makikita sa kanyang susyal na van.

Mayroon pa nga itong CR, TV, wifi at hightech pa ang mga upuan na parang tulad sa mga eroplano.

Sabi pa ni Jessy, “Pinag-ipunan ko talaga ito kasi sabi ko one day, kapag nagkaroon na kami ng baby, gusto ko na kahit papaano ay maging comfortable kami.

“May toilet o CR, tapos ‘yung seats comfortable, tapos si Howhow din kapag may malalayong work, pwede niyang gamitin ‘to.”

Samantala, sa susunod na buwan nang nakatakdang manganak si Jessy sa first baby nila ng kanyang asawa na si Luis Manzano.

Kamakailan lang ay nag-trending ang bonggang “maternity shoot” ng aktres at sinabi pa niya na hindi na siya makapaghintay na makita ang kanyang baby Peanut.

Matatandaang noong Agosto nang ibinalita ng dalawa na magkakaroon na sila ng panganay.

Noong Pebrero ng nakaraang taon sila kinasal sa Batangas matapos ang apat na taong magkarelasyon.

Related chika:

Jessy Mendiola may payo sa mga misis: Protecting your family is your duty…

Jessy Mendiola kabog sa kanyang maternity shoot: I can’t wait to meet her…

Jessy Mendiola nag-shopping nang bongga bago manganak, ninega ng netizen