Sharon gustung-gusto nang magretiro sa showbiz pero may pumipigil: ‘Wanna rest na so bad but too many obligations pa’
Sharon Cuneta
IBA’T IBA ang naging reaksyon ng mga netizens sa planong pagreretiro ni Megastar Sharon Cuneta sa mundo ng showbiz.
Kamakailan lang ay nag-post ang movie icon sa kanyang social media account at sinabing iniisip na niyang tumigil sa pag-aartista pagod na pagod at “exhausted” na siya.
Ayon kay Sharon, “This part really resonated with me because, well, I am 56 now — and I am just undeniably exhausted. Retirement is calling.”
Mahigit apat na dekada na si Mega sa larangan ng telebisyon at pelikula at napakarami na niyang napatunayan bilang artista, singer at TV host.
“Once in a while I can pop up in a movie or two, a concert, or a TV show, even a season or a series if it’s not too tiring. But I am tired,” pahayag pa ng Kapamilya superstar.
“All I wish I could do is be with my family and take care of them. And do all those other things I always wish I could do but just couldn’t find the time for,” aniya pa.
Maraming nagsabi na paulit-ulit na lang itong sinasabi ni Sharon pero hanggang ngayon naman ay nariyan pa rin siya kaya naman hindi na raw nila ito sineseryoso.
May mga nagkomento naman na sana’y magpahinga na lang muna si Mega para makapag-recharge at bumalik na lang kapag hindi na siya pagod at exhausted.
View this post on Instagram
Siyempre, nalungkot naman ang mga Sharonians sa sinabi ng Megastar pero susuportahan daw nila kung ano ang magiging desisyon ng kanilang idolo dahil at the end of the day buhay naman niya ang pinag-uusapan dito.
May paliwanag naman si Sharon kung bakit hanggang ngayon ay hindi niya pa rin magawang mag-retire. Sinagot niya ang comment ng kaibigang aktres na si Arlene Muhlach.
Sabi nito, “Exactly what I want at 54. Thing is, I can’t yet because kids are both still in school.” Agree naman si Sharon sa kanya, “@arlenemuhlach I really feel you. Same.”
Komento naman ng isang follower ni Sharon sa Instagram, “We do understand that you have worked hard all your life and deserve to take it east.”
Ito ang reply ni Sharon sa kanya, “Wanna rest na so bad but too many obligations pa.”
Nag-thank you din si Mega sa lahat ng kanyang fans na naiintindihan ang kanyang sitwasyon at mga nararamdaman hinggil sa ilang dekada na niyang pagtatrabaho.
Pakiusap naman niya sa lahat ng taong patuloy na nagmamahal at sumusuporta sa kanya mula noon hanggang ngayon, “Please pray with me. Thank you so much and I love you all.”
Huling napanood si Sharon sa Kapamilya series na “FPJ’s Ang Probinsyano” kasama sina Coco Martin at Julia Montes at sa concert tour niya sa iba’t ibang bansa.
Kung matatandaan, noong 2019 ay inihayag na rin ni Sharon na kino-consider na niyang maging semi-retired sa showbiz. Aniya, pwede siyang gumawa ng ilang projects pero priority pa rin niya ang kanyang pamilya.
May dalawa pang international projects si Mega na kailangang gawin at tapusin, ang film adaptation ng “The Mango Bride” at ang US series na “Concepcion.”
Angel Aquino nag-ala fan girl nang makita si Sharon: I am forever in love with you!
Kris may sakit na binabatikos pa, Robin nakiusap sa bashers: Maging makatao po muna kayo…
Sharon Cuneta ibinandera ang bagong look, pumayat matapos magkasakit
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.