Martin del Rosario nag-sorry sa pagbibihis bilang Jeffrey Dahmer: It was nothing intentional
HUMINGI ng paumanhin ang Kapuso star na si Martin del Rosario matapos makuyog ng mga netizens hinggil sa napiling Halloween costume.
Matatandaang nag-trending ang aktor na nagdamit bilang Jeffrey Dahmer, isang American serial killer, nang dumalo ito sa isang Halloween party.
Marami sa mga netizens ang nadismaya kay Martin dahil naniniwala silang hindi dapat maging inspirasyon upang maging costume ang isang taong kumitil ng mga inosenteng buhay.
May mga netizens rin na nagsabing “insensitive” ang aktor dahil hindi man lamang nito naisip ang mga naging biktima ng American serial killer maging ang mga pamilya nitong labis na nagdalamhati sa kalunos-lunos na nangyari sa kanilang mahal sa buhay.
At nito ngang Martes ay nagpaliwanag si Martin patungkol sa isyung kinasasangkutan.
Saad ng aktor, “I never intended to hurt or insult anybody with my ‘Dahmer’ Halloween look. My intention was just to depict myself in costume as somebody who’s [as] evil as Dahmer, which is basically the objective of a Halloween costume.”
Nag-sorry rin si Martin sa lahat ng mga taong na-offend sa kanyang viral post.
“If I have hurt anybody or have become insensitive by donning the Dahmer look, I sincerely apologize. Please trust that it was nothing intentional. It was just for the spirit of Halloween,” dagdag pa niya.
Sa ngayon ay burado na ang Instagram post ni Martin bilang Jeffrey Dahmer at ang latest Halloween shoot niya bilang si Joker na lamang ang makikita.
Matatandaang nag-trending ngayong taon ang American serial killer matapod ipalabas sa Netflix ang isang series ng kanyang pagpatay sa 17 kalalakihan mula 1978 hanggang 1991.
View this post on Instagram
Related Chika:
Martin del Rosario nag-ala serial killer sa Halloween, binatikos ng netizens
Netizens kilig sa ‘couple’ Halloween costume ng DonBelle: Pasimple lang talaga kayong dalawa
Angel, Neil nagpa-‘Squid Game’ Halloween party sa bahay: Who wants to play?
IN PHOTOS: Celebrity kiddos bumida sa iba’t ibang halloween pakulo
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.