Bianca Gonzalez sinabihang ‘walang views’ ang vlog, dumipensa: Iba-iba ng rason ang tao to create content
PUMALAG ang Kapamilya TV host na si Bianca Gonzalez sa isang netizen na pumansin sa kanyang mga YouTube vlogs.
Nitong Miyerkules, Oktubre 26, sunod-sunod ang naging tweets ng Kapamilya TV host, vlogger, at mental health advocate.
Ibinahagi nito ang screenshot ng komento ng netizen sa kanyang YouTube vlog kalakip ang kanyang saloobin hinggil sa pangnenega nito sa kanya hinggil sa kawalan diumano ng “views” ng kanyang videos.
Comment ng netizen sa isa sa YouTube vlog ni Bianca, “Walang views ang mga vlog niya.”
Reply naman niya sa comment, “Hi! May problema ka sa 2,300 na nanood nitong video? Paki-explain naman sa akin ng comment mo [laugh emoji].”
At sa kanyang tweet ay diretsahang inilabas ni Bianca ang saloobin niya hinggil sa mga natatanggap niyang pambabatikos ng mga netizens.
“Pa-isa nga lang. Dahil hot topic din naman ngayon ang YouTube, engagement at views.
“I often get this comment meant to insult or bash me: ‘Ay, walang views ang vlog niya’,” panimula ni Bianca.
Giit niya, “Let me get one thing clear: iba-iba ng rason ang tao to create content on YouTube.”
Pagpapatuloy pa ni Bianca, “Some create content on YouTube as a full-time career, some as a creative outlet, some as a form of self-expression, and some, like me, create content to reach out to others and help.
“Iba-iba ng purpose ng tao sa YouTube and before starting a channel, that should be clear to you.”
Chika pa ni Bianca, ang goal naman talaga ng kanyang YouTube vlog ay ang makatulong sa mga nangangailangan at may pinagdaraanan lalo na at advocacy niya ang mental health.
“From the start, ang #PaanoBaTo ay para makatulong sa problema’t pinagdadaanan ng tao, to know they are not alone and to know that they will get through it, by sharing stories that inspire and empower.
“Grateful for brands who share the same vision and partner with me for content,” saad ni Bianca.
Dagdag pa niya, “Ngayon, kung sa 2,300 na nanood ng video, may 1 o 5 o 10, o kahit 20 na gumaan ang bigat na nararamdaman, nabigyan ng idea on how to handle their problem, o na-inspire makagawa ng solusyon sa pinagdadaanan nila, THAT to me is success.
“That makes my work fulfilling and rewarding.”
Sey pa ni Bianca, naniniwala siyang wala naman sa dami ng views, comments, at subscribers para masabing successful ang kanyang pagba-vlog.
“While it would be great for everyone on YouTube to have millions of views, that is not the reality.
Pa-isa nga lang. Dahil hot topic din naman ngayon ang YouTube, engagement at views. I often get this comment meant to insult or bash me: “Ay, walang views ang vlog niya.”
Let me get one thing clear: iba-iba ng rason ang tao to create content on YouTube. pic.twitter.com/MOkk2IjZPj
— Bianca Gonzalez (@iamsuperbianca) October 26, 2022
“I don’t measure my worth as a person with the number of views, subscribers, likes or comments I get.
“My goal with #PaanoBaTo is to empower people to get through tough times,” lahad pa ni Bianca.
Hirit pa niya, sapat na raw sa kanya ang kaunting views basta nagagawa nito ang kanyang goal na may matulungan at maging inspirasyon sa mga may pinagdaraanan.
“For me, with every video, 2,000 views man yan o 50,000, if there are people who are inspired to go on and keep pushing, that is a huge WIN for me,” sabi ni Bianca.
Dagdag pa niya, “The letters I get from people who say my guest’s story inspired them to pursue this, or pushed them to try again, that is priceless.”
Payo pa ni Bianca sa netizen na nang-nega sa kanya, “So the next time you think of commenting, ‘Ay, walang views’ on people’s pages: 1. Did it make you feel good to do that? Happy? If yes, you have issues you need to sort sa sarili mo. “2. Are you just doing it to poke fun? If yes, please do something more productive sa time mo.”
Message naman niya sa mga kapwa content creator na tulad niyang may mababang views, “To the content creator with a few hundred or few thousand views, go back to the reason WHY you started your channel. What’s your goal? What’s the purpose of your videos?
“As long as that is clear to you, then other’s comments that have nothing to do with that is just noise.”
Related Chika:
‘May topak ka’: Bianca Gonzalez may swabeng bwelta sa bastos na basher
Mariel Padilla pinatunayang walang away sa pagitan nila ni Bianca Gonzalez
Bianca Gonzalez binanatan matapos magkomento sa pagkapanalo ni Hidilyn sa Tokyo Olympics
Bianca Gonzalez nababahala sa mga mahihilig magmura sa socmed
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.