Edu umaming nagdalawang-isip tanggapin ang ‘Flower Of Evil’, may kinalaman kaya ito kina Lovi at Piolo?
Edu Manzano at Piolo Pascual
SA kabila ng ilang dekadang pamamayagpag sa mundo ng showbiz, matinding challenge pa rin ang hinarap ni Edu Manzano sa Kapamilya drama series na “Flower Of Evil.”
Ayon sa award-winning veteran actor, talagang nag-effort siya nang bonggang-bongga para makasabay sa galing ng lahat ng co-stars niya sa serye, kabilang na nga riyan sina Piolo Pascual, Paulo Avelino at Lovi Poe.
“I think all of them, lahat ng mga artista involved, na ako siguro yung may pinakamaraming years in service.
“Ang dami ko ring nagawang telebisyon, mga shows and movies for that matter. Kaya minsan umaabot talaga sa technique, yung mga nakasanayan to show the audience more or less kung anong hinahanap o na-a-appreciate at kung ano na siguro yung hindi na dapat gawin.
“That was the biggest challenge for me. Because I had to work with some very, very gifted actors younger than I was. And at the same time, adaptation ng isang foreign teleserye,” pahayag ni Edu sa “Killer Finale” presscon ng “Flower Of Evil.”
Pagpapatuloy pa niya, “Buti na lang talaga lahat sila naging supportive. So kahit papaano, hinahawakan pa rin yung kamay ko as we were all holding each other’s hands, para lang makalabas ng isang magandang produkto.”
Nang ialok daw sa kanya ang karakter ni Henry Del Rosario sa “Flower Of Evil”, “To be honest, I was very unsure because I had also talked to them in the beginning and I said I haven’t done something like this.
View this post on Instagram
“It felt dark to me from the very beginning. Everyone knows me naman na yung character ko very wholesome.
“So ito bago and to be able to put all these elements together at the same time, made me feel that I was not going down into hell, na maaring maisalba ko pa rin yung sarili ko na it wouldn’t be a totally bad character.
“But because of the support of our directors and of course the producers at yung tiyaga ng lahat ng mga artista, I’ve enjoyed what I’ve seen so far,” litanya pa ng beteranong aktor.
Binigyan naman daw siya ng produksyon ng freedom kung paano niya aatakihin ang role, “I think yun ang isa sa mga kinagulat ko, was the fact na wala silang hiningi na kung anong pagkakilala sa ‘yo, yun ay dapat.
“So I went with the feel kung ano yung ibinigay sa akin ni Paulo or ni Piolo or even Lovi. With Agot (Isidro) consistent kasi it wasn’t hard because we’re friends.
“Pero with Piolo kasi, hindi ko naman kasi siya barkada pero kaibigang matalik. Pero ang kagandahan nag-uusap kami,” aniya pa.
Pagmamalaki pa ni Edu sa kanilang serye, kahit dag adaptation ito ng isa sa mga hit Korean series, ibang-iba pa rin ang atakeng ginawa nila rito para maging swak sa panlasa ng madlang pipol.
“Ang isang napansin namin is yung materyal is not what our viewers have gotten used to through the years. So there was a certain element within this story na I’m sure, for the first couple of episodes, mag-iisip din sila at magtataka.
“But at least it gives them a chance to appreciate a lot of better stories, of a greater variety themes and genres, that would lead to all the Filipino actors eventually getting involved in other types of films and TV shows,” ani Edu.
Tutukan ang pagtatapos ng “Flower Of Evil” ngayong araw, October 9 via Viu, Kapamilya Channel, Kapamilya Online Live, and A2Z.
The Philippine remake of the hit South Korean series is directed by by Darnel Villaflor and Richard Arellano. Kasama rin dito sina Joross Gamboa, Agot Isidro, Joem Bascon, Denise Laurel, Epy Quizon, Rita Avila, Jett Pangan, Pinky Amador at Joko Diaz.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.