Dominic Roco arestado sa drug buy-bust operation sa Quezon City
KABILANG ang aktor na si Dominic Roco sa mga naaresto sa isinagawang buy-bust operation sa Quezon City.
Bukod sa aktor, nahuli rin ang apat pa nitong kasama kabilang ang main target na si Reynaldo Sanchez pati ang isang babae at dalawa pang kalalakihan.
Nangyari ang buy-bust operation sa Don Antonio Heights, Barangay Holy Spirit base na rin sa report mula sa DZBB Super Radyo.
Ilan sa mga nakumpiska kina Dominic ay ang 15 grams ng hinihinalang shabu na aabot sa halagang P102,000 at 10 grams naman ng hinihinalang marijuana na aabot sa halagang P14,000.
Haharap naman sa kasong violation of of Republic Act No. 9165 o Comprehensive Dangerous Drugs Act of 2002 ang mga nahuling suspek.
View this post on Instagram
Si Dominic Roco ay isa sa mga anak ng beteranong aktor na si Benbol Roco.
Sa ngayon ay wala pa namang pahayag na inilalabas ang kampo ng aktor hinggil sa kinakaharap na kaso.
Samantala, ang latest project naman ni Dominic ay ang “False Positive” kung saan kasama niya sina Xian Lim at Glaiza De Castro.
Iba pang mga balita:
Dominic Roco inakalang mahirap kasama si Xian Lim: Napakabait palang tao, at hindi siya plastik
Felix Roco ayaw talagang maghubo’t hubad sa ‘Secrets’: I just did it para matapos na kaagad
Dating PGT finalist arestado sa buy-bust operation ng PDEA
PGT finalist Joven Olvido arestadong muli dahil sa ilegal na droga
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.