Alyssa Valdez nagpositibo sa dengue: The first few days were so bad
KASALUKUYANG nagpapagaling ang Volleyball Star na si Alyssa Valdez matapos itong tamaan ng sakit na dengue.
Sa kanyang Instagram post nitong Miyerkules, August 31, ibinahagi ng dalaga ang mga larawan niya habang nasa ospital.
Kuwento ni Alyssa, dapat raw ay lilipad siya papuntang Germany para dumalo sa isang event at pagkatapos ay maglaro sa AVC Cup o Asian Volleyball Confederation Cup na ginanap noong Agosto 21 hanggang Agosto 29 sa PhilSports Arena, Pasig City.
Sa kasamaang palad ay hindi ito natuloy dahil nagpositibo siya sa dengue at kinakailangang magpagaling.
“The first few days were so bad — Had a high fever, body pain, and headache. I wasn’t able to eat and drink anything,” saad ni Alyssa.
Aniya, matapos ang anim na araw ay bumaba na ang lagnat niya ngunit patuloy ang pagbaba ng platelet count niya ma umabot ng 37.
View this post on Instagram
“I then experienced some complications like bleeding and a swollen liver. It was at this point that my doctors decided to admit me in the hospital with some initial discussions of a blood transfusion,” pagpapatuloy ni Alyssa.
Crucial rin daw ang mga naunang oras ng kanyang pananatili sa ospital. Nag-antay sila ng resulta ng kanyang mga naging laboratory tests at buti na lang daw sahil nagdesisyon ang kanyang mga doktor na huwag nang ituloy ang blood transfusion.
“Thank God everything slowly got better! I’ll also have my last few lab tests soon too. I am on the road to a full recovery. Thank you for all the prayers,” pagpapasalamat ni Alyssa.
Nagpaalala rin ang dalaga sa kanyang mga followers na alagaan ang sarili at makikita niya rin ito soon.
Sa comment section ay bumaha ng umaapaw na mensahe ng suporta at dasal ng agarang paggaling para kay Alyssa.
“Glad you are feeing better. Get well soonest, Aly,” comment ni Bianca Gonzales.
Saad naman ng kapwa volleyball star na si Majoy Baron, “Miga, get well soon!”
“Recover fully sizzy,” sey naman ni Samantha Bernardo.
Related Chika:
Alyssa Valdez nakatagpo ng mga tunay na kaibigan sa ‘PBB’ house; may ‘hamon’ kay Big Brother bago sumabak sa SEA Games
Alyssa Valdez hindi na itutuloy ang PBB journey, papalitan ni Sam Bernardo
Alyssa Valdez, Sofia Andres nag-positive rin sa COVID, muling nagbabala sa publiko
Alyssa, Anji waging Top 2 sa PBB 10; Madam Inutz, Brenda Mage, Samantha nagbabu na
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.