Desiree del Valle maswerte kay Boom Labrusca: Never kaming nag-away
Boom Labrusca, Desiree del Valle at Alexander Sebastian
NAPAKALAKI ng ipinagbago ng Kapamilya actress na si Desiree del Valle mula nang magkaroon siya ng asawa at mabiyayaan ng anak.
Feeling thankful ang aktres sa asawang aktor na si Boom Labrusca dahil sa kabaitan nito at pagiging sweet and responsible.
Ibinahagi ni Desiree sa panayam ng “Fast Talk with Boy Abunda” ang mga changes sa kanyang ugali at pananaw sa buhay simula noong maging ganap na siyang ina.
“Before I was like, loud. I was ‘O tara na!’ I was like that eh. But now, noong naging mommy ako, especially noong naging girlfriend pa lang ni Boom, kasi I was getting older, maturity stepped in,” simulang pagbabahagi ng aktres.
Baka Bet Mo: Desiree del Valle agad itinigil ang mga ‘bisyo’ nang malamang nagdadalang-tao
Patuloy pa niya, “Mas naging mellow ako. Tsaka I found out na, kasi before I was so impatient.
“Patience now is truly a virtue. Kasi talagang, wala eh, nag-step in na ‘yung pagiging mommy ko, pagiging mother ko,” sabi pa ni Desiree kay Tito Boy.
Sey pa niya, nag-usap sila nang masinsinan ni Boom bago sila magpakasal.
View this post on Instagram
“Para kaming mag-best friend kasi, ever since. At saka we also laid out before we actually got serious and everything. ‘So kung may problema tayo, mag-uusap tayo,'” dagdag pa niya.
Pagmamalaki pa niya sa married life nila ni Boom, “Never kaming nag-away. Can you believe it?”
“Ang priority namin is hindi na ‘I’ eh. It’s ‘us,’ it’s ‘we.’ So whatever you do or whatever move you make, you think about the other person.
“He also told me sa vows namin when we got married na, ‘ang turing ko na sa ‘yo ay asawa,'” saad pa ni Des.
Sa tanong kung paano niya ilalarawan si Boom bilang asawa, “very sweet” at “mas vocal” daw ito kanya, “Sabi ko, ‘This is it. This is the man of my dreams na talaga.’ God is good, very good.
“Naalala ko lang kasi sobrang bait ng asawa ko, sobra. I’m lucky,” ang medyo emosyonal pang pahayag ng aktres.
Taong 2012 nang magsimula ang relasyon ng mag-asawa hanggang sa magpakasal na nga sila noong 2018.
Ipinanganak ni Desiree ang anak nila ni Boom na si Alexander Sebastian noong kasagsagan ng pandemic taong 2021.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.