Miss Iloilo City Karen Mendoza nag-Marites daw tungkol sa resulta ng Bb. Pilipinas 2022; nagkadayaan nga ba?
Gabrielle Basiano, Nicole Borromeo at Karen Laurrie Mendoza
NAGKADAYAAN at nagkaroon nga ba ng “switching” ng titulo at korona sa ginanap na grand coronation night ng Binibining Pilipinas 2022 last Sunday sa Araneta Coliseum?
Yan ang tanong ng madlang pipol matapos ang ilang minutong delay sa announcement ng Bb. Pilipinas International 2022 winner. Dito nga biglang huminto sa pagsasalita ang mga hosts na sina Catriona Gray at Nicole Cordoves.
Mas umingay pa ang isyu nang magsalita ang isa sa mga Bb. Pilipinas candidate na si Miss Iloilo Karen Laurrie Mendoza at nag-Marites nga raw after ng Binibining Pilipinas 2022 finals night.
Nakapasok si Karen sa Top 12 ng pageant pero walang nakuhang korona at titulo.
Sa Instagram Stories, nag-post si Karen kahapon tungkol sa tanong ng isang pageant page sa kanya kung sino ang bet niyang manalong Bb. Pilipinas International 2022 aside from herself.
“I WAS ASK BY A PAGEANT PAGE. IF THERE IS ONE GIRL YOU WOULD LIKE TO WIN THE INTERNATIONAL CROWN ASIDE FROM YOURSELF WHO WOULD IT BE AND WHY? MY CO REPEATER @GABBYBASIANO,” sagot ng dalaga.
Kasunod nito, nagpahiwatig siya na totoong nagkaroon ng pagkakamali sa announcement ng winners, “AND TAKE A GOOD LOOK AT THE NEXT PHOTO.” Hindi na makikita ang IG Story na ito sa account ng dalaga.
Pero ang tinutukoy niyang litrato ay ang viral na ngayong post na nilamukos na puting papel na may nakasulat na, “17 Globe, 23 Inter cont, 28 international.”
Ang Binibini 17 ay si Miss Tacloban Chelsea Lovely Fernandez na nanalong Bb. Pilipinas-Globe 2022 habang ang Binibini 23 ay si Nicole Borromeo ng Cebu City at ang Binibini 28 ay si Gabrielle Basiano.
Si Nicole ang nagwaging Bb. Pilipinas-International 2022, at si Gabby naman ang itinanghal na Bb. Pilipinas-Intercontinental 2022.
View this post on Instagram
At dahil nga rito, mas umugong ang chika na posibleng nagkaroon nga ng aberya sa mga idineklarang pageant winners this year.
Nauna rito, naglabas na ng pahayag ang isa sa mga hosts ng event na si Catriona Gray sa pamamagitan ng kanyang Facebook account.
Paglilinaw niya, “As the hosts of last night’s Binibining Pilipinas 2022, @binibiningnicolecordoves and I announced the winners accordingly based on the titles printed on the individual title cards as these were handed over by SGV & Co. partner and representative, Mr. Ocho.
“As a member of the overseeing committee during the deliberations (as pictured on slide 4 by BPCI Execom member @laraquigaman), Mr. Ocho later rechecked the cards and confirmed that the results previously announced were correct, which became the decisive factor in moving forward with the announcement.
“As former candidates ourselves, we understand what the girls go through and would, therefore—without a second thought—correct any errors, if any were made.
“But as already explained, SGV & Co. partner and representative Mr. Ocho himself confirmed the validity of the results,” paliwanag ni Miss Universe 2018.
Naglabas din ng official statement ang talent management nina Catriona at Nicole na Cornerstone Entertainment hinggil sa issue.
“Cornerstone Entertainment Inc. stands by the announcement of its artists, Catriona and Nicole, who were the hosts of last night’s Binibining Pilipinas 2022.
“The winners announced by the hosts were accordingly based on the titles printed on the cards, which were handed over by SGV & Co. partner and representative, Mr. Ocho.
“Mr. Ocho even rechecked the cards and confirmed that the results announced by the hosts were accurate.
“We hope that this will put to rest any controversy concerning last night’s results,” pagtatanggol ng Cornerstone sa mga hosts ng Bb. Pilipinas 2022.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.