Alexa Ilacad super excited nang mag-show sa US: Actually nakaempake na ako, promise! I’m not kidding!
Alexa Ilacad at KD Estrada
NGAYON pa lang ay super excited na ang lahat ng makakasama sa magaganap na “Beyond the Stars: Star Magic US Tour” sa susunod na buwan.
Ito’y bahagi pa rin ng selebrasyon ng ika-30 anibersaryo ng ABS-CBN talent management na Star Magic.
Isa na nga sa Kapamilya young stars na atat na atat nang makita at maka-bonding nang face-to-face ang mga kababayan nating nasa iba’t ibang bahagi ni Amerika ay si Alexa Ilacad.
“It’s a huge honor na mapasama sa ganitong klaseng event. I’ve been with Star Magic all my life and the fact that they’re bringing me with them now, it means so much to me,” simulang chika ng dalaga sa naganap na virtual mediacon para sa “Beyond the Stars: Star Magic US Tour”.
“And when they told us the international fans wanted to see us and meet us, it really warms my heart. Because if they want to see us, I want to see them even more,” dagdag pang sey ni Alexa.
At knows n’yo ba na ngayon pa lang ay naka-empake na ang “Run To Me” lead star kahit sa August pa ang alis nila. Ganyan siya ka-excited nang bonggang-bongga.
“Actually naka-empake na ako. Promise. I’m not kidding. I’m packed na, that’s not how I am as a person. Kasi you never stop naman hanggang papaalis ka, nagdadagdag ka ng gamit. Ayun, I’m ready to go,” ang natatawang kuwento pa ng ka-loveteam ni KD Estrada.
View this post on Instagram
Magkasamang pupunta sa US ang dalawa kaya siguradong magpapasabog na naman sila ng kilig at good vibes sa mga fans nila sa ibang bansa.
“We hope to bring even more. Of course it’s not just us we also have DonBelle with us. If time allows, we would love to (go around), but if not just to be safe din, maybe we can make plans or content kahit nasa hotel lang kami as a vlogger. Ha-hahaha!
“I think ang magiging most memorable part is being able to perform together for the first time in the US in front of our international fans.
“That’s what I’m most excited about because for me ‘yan ‘yung best feeling para sa akin, ’yung makakapag-perform ako sa harap ng maraming tao. I’m ecstatic,” sabi pa ng singer-actress.
Bukod sa “Run To Me” at sa kanilang US tour, may iba pang pasabog na sorpresa si Alexa sa kanyang fans pero hindi pa raw niya ito pwedeng sabihin.
“Hopefully more music since we can’t talk about upcoming shows but thankfully there will be a follow up. But what we can share is we’ll be making more music for sure,” sabi ng dalaga.
Samantala, ang iba pang Kapamilya artists na kasama sa Star Magic US tour ay sina Belle Mariano, Donny Pangilinan, Andrea Brillantes, Gigi De Lana, Carlo Aquino, Maris Racal, BGYO, Edward Barber, Maymay Entrata, Janine Berdin, Kyle Echarri, Kim Chiu, Eric Nicolas, Charlie Dizon, Zanjoe Marudo, AC Bonifacio, Liam Kaila, Sab at Angela Ken.
Narito ang scheduled dates para sa “Beyond the Stars: Star Magic US Tour”.
August 6 – The King’s Theatre, Brooklyn, New York City
August 12 – The Warfield, San Francisco
August 14 – Saban Theater, Beverly Hills, Los Angeles
https://bandera.inquirer.net/317503/donny-belle-may-bonggang-project-sana-abroad-pero-naudlot-magkasamang-lilipad-patungong-us-para-sa-star-magic-tour
https://bandera.inquirer.net/296288/diego-loyzaga-tuloy-ang-pagpapa-yummy-salmon-lang-or-chicken-breast-ang-kinakain-ko
https://bandera.inquirer.net/281513/nakakaloka-ang-pa-house-tour-ni-kiray-sa-tagaytay
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.