Nikko Chua binuweltahan ang bashers: Ano po ba ang intensyon ko kay Chad? Alam n’yo po ba ang mga nangyari sa amin?

Nikko Chua at Chad Kinis

NEGANG-NEGA ngayon sa mga netizens ang dating boyfriend ni Chad Kinis na si Nikko Chua matapos kumalat ang balitang na naghiwalay na ang magdyowa.

Mismong si Chad na ang umamin na break na sila ni Nikko makalipas ang siyam na buwang pagsasama kasabay nga ng chika na ginamit lamang umano ng binata ang komedyante.

Talagang binato ng masasakit at maaanghang na salita ang binata nang ibandera ni Chad ang ilang detalye sa breakup nila ni Nikko sa vlog ni Ogie Diaz.

Aniya, umiyak siya sa mga past relationship niya pero ang paghihiwalay nila ni Nikko ay hindi niya iniyakan.

“It’s a different kind of pain. Kumbaga kung same old story lang din naman, I think it’s not worth it to shed a tear kasi same reason… ito na naman, bakit pa ako iiyak?

“At saka sa akin ngayon, every relationship that ends dahil sa same reason na mga nangyari sa previous is an opportunity for me,” pahayag ni Chad.

“It’s an opportunity for me to move on, live on, and to find someone who really deserves my love and I deserve too. Minsan kasi we do not end up with someone we like but we end up with someone we deserve so dapat hindi ka mapagod. You don’t have to get tired na maghintay ng tao para sa ‘yo.

“Mas okay ako sa isang relasyon na alam kong minamahal ako ng totoo kesa alam kong pinaglalaruan lang ako, di ba?” aniya pa.

 

View this post on Instagram

 

A post shared by Chad Kinis (@chadkinis)

At sa gitna nga ng pangnenega sa kanya ng supporters ni Chad, binuweltahan ni Nikko ang kanyang haters tulad na lang ng nagsabing, “Nu’ng una pa lang, malakas na ang kutob ko. Hindi maganda ang intensyon nito kay chad. Hayst. Very wrong.”

Sagot ni Nikko sa kanya, “Ano po ba ang intensyon ko kay Chad? Nalaman nyo po ba? Alam nyo po ba ang mga nangyari sa amin?”

Komento pa ng isang nang-okray kay Nikko, “Grabe pa si Chad mag-support sa kanya. Kahit tinda nila, gi-promote pa niya eh.”

Ito naman ang banat ni Nikko, “Mawalang-galang lang po. Since 2013 pa ang business namin at kilala po ang business namin, 9-years na. Wala pa po si Chad. Paki-check ang album ko sa Facebook para makita n’yo.”

May nag-react din sa pagbabakasyon ni Nikko sa Amanpulo, “Oh no what a shame! No wonder he’s enjoying life. Well what goes around comes around.”

Hirit ng ex-dyowa ni Chad Kinis, “What’s wrong with enjoying life? There’s no problem with it. Not all know me nor my family — I also have my own story. There’s always a reason in every circumstances just so you know.”

Matatandaang nag-post pa noong June 10, 2021 sa Facebook si Nikko ng open letter para ibandera na tunay ang pagmamahal niya para kay Chad.

“Babe, always remember that I am here for you no matter what happen. We will both hold each other’s hand as we go through our journey in life and cherish every laughter and moment that we’d be able to spend.

“There might be instances that we’ll fight but I will try my best to always understand you and make it more easier for us to be alright.

“Being a public figure could harm our relationship because there are so many negativities surrounding us both without even knowing but despite all of that we could do everything with the help of every positivities we have — which is our love for each other and from the people that’ll support and that’s supporting us.

“No one could ever destroy us. Specially that we have everything by the faith in God. You’re a Godsent, babe!

“I wanted to make every day of your year, decade and even century (if I am able to do so) extraordinary! I love you!”
https://bandera.inquirer.net/315004/chad-kinis-hiwalay-na-sa-dating-karelasyon-nasaktan-pero-hindi-umiyak-its-a-different-kind-of-pain

https://bandera.inquirer.net/287758/model-businessman-pinatunayan-ang-pagmamahal-kay-chad-kinis-malilisyosong-bashers-hinamon
https://bandera.inquirer.net/280376/2-miyembro-ng-beks-battalion-tinamaan-ng-covid-19-chad-kinis-nahawa-sa-hiniram-na-lip-balm