Chie Filomeno sa nagpakalat ng tsismis na may sex scandal siya: Dali send mo sa ‘kin! Bardagulan gusto n’yo, eh!
Zeus Collins at Chie Filomeno
MATAPANG na hinamon ng Kapamilya sexy star na si Chie Filomeno ang mga netizens na nagsasabing meron daw siyang sex scandal.
Kumakalat kasi ngayon sa social media ang mga balitang may ilalabas daw ang isang netizen na adult video na umano’y “pinagbibidahan” ng dalaga at ng dancer-actor na si Zeus Collins.
Mariing pinabulaanan ni Chie ang mga nasabing post at tinawag itong “fake news” kasabay nga ng hamong maglabas ng ebidensiya ang nagpapakalat ng malilisyosong chika laban sa kanya
Ni-repost pa niya ang ipinakalat ng netizen na pinagdikit na litrato nila ni Zeus sa kanyang Facebook at Twitter accounts kung saan makikita ang malisyosong caption na, “Only legends understand.”
Ito naman ang mensahe ni Chie sa netizen, “Ano source mo? FB sure ball. Pag sure uy kung totoo mga pinag popost niyo sa FB, kung mag uungkat kayo siguraduhin niyo totoo, wag paulit ulit at wag kayo mangdamay ng ibang tao. ISSUE YARN?”
View this post on Instagram
Kasunod nito pinangalanan na ni Chie ang nasabing netizen, “Ano Megan San Miguel dali share mo yung video, siguraduhin mo lang hindi mo sasayangin ang oras nila ah? Lalo na oras ko.
“Dali send mo sa akin. Maninira ka pa ah. Bardagulan gusto niyo eh. Paulit ulit na issue ah nakakasawa na,” hirit pa ni Chie.
Dagdag pa niya, “Siguraduhin mong hindi mo sasayangin yung mga oras ng nagpasend dito ah.”
Kung may mga naniwala sa sinasabing video scandal umano ni Chie, marami namang mga netizens ang nagtanggol sa dalaga.
Sa kanyang IG page, nag-post uli si Chie ng kanyang bikini photo at video nitong Sabado, May 14, na may caption na, “Hates fake news.”
Samantala, may mga naglabasan ding reaksyon umano si Zeus Collins sa ilang entertainment vlogs kung saan mariin din niyang pinabulaanan ang sinasabing video scandal daw nila ni Chie.
Ngunit burado na ang nasabing post ni Zeus sa kanyang social media accounts.
https://bandera.inquirer.net/299919/chie-filomeno-tumigil-sa-pagsasayaw-matapos-ma-bash-dahil-sa-viral-video
https://bandera.inquirer.net/299497/chie-filomeno-walang-galit-kay-madam-inutz-shes-still-one-of-my-big-4
https://bandera.inquirer.net/306941/kyle-echarri-may-inamin-tungkol-kay-chie-filomeno-matapos-maging-close-sa-loob-ng-bahay-ni-kuya
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.