32 kandidata rumampa sa National Costume presentation ng Miss U PH 2022; sinu-sino ang nag-shine nang bonggang-bongga?
Michelle Dee, Celeste Cortesi at Pauline Amelinckx
MARAMING nag-shine nang bonggang-bongga sa ginanap na National Costume presentation para sa Miss Universe Philippines 2022 pageant.
In fairness, talagang agaw-eksena ang mga kandidata sa mga suot nilang makukulay at modernong style ng Pambansang kasuotan ng Pilipinas.
Napanood ang nasabing event via streaming sa pamamagitan ng TikTok Philippines kagabi, April 26, kung saan ang ginamit na backdrop ay ang kilalang heritage site sa Ilocos Sur, ang Calle Crisologo sa Vigan.
View this post on Instagram
Sa official statement ng Miss Universe Philippines organization, na ipinakita sa screen bago ang parade of beauties nakasaad ang mga katagang, “the pageant decided to pay homage to Philippine textiles industry, an integral part of our uniquely beautiful history.”
Ayon pa sa organizers ng nasabing national pageant, “It represents the rich stories and craftsmanship of different tribes and communities throughout the archipelago. It is part of the fabric of our nationality.
“Aside from promoting our tourism, the Miss Universe Philippines Organization also aims to promote and put forward Filipino textiles and weavings because these are treasures we can’t afford to lose.
“This is an industry we want to continue and help strengthen.
“The theme for this year’s National Costume presentation is HABI (weaving) 30% of our finalists’ costumes should be comprised of Philippine textiles or weaving,” ang nakasaad pa sa statement ng Miss Universe PH.
Base sa mga nabasa naming comments sa socmed, lutang na lutang daw ang mga sumusunod na kandidata sa naganap na National Costume presentation: Miss Bohol Pauline Amelinckx; Miss Davao del Norte Jeanne Nicci Orcen; Miss Cebu Chantal Elise Schmidt; Miss Makati Michelle Dee; Miss Pasay
Celeste Cortesi; Miss Taguig Katrina Llegado; Miss Aklan Jona Swett; Miss Laguna Sonja Jeyn Tanyag; Miss Iloilo City Dorothy Gemilla; at Miss Palawan Angelica Lopez.
Ngayong taon, 32 kandidata ang maglalaban-laban para sa Miss Universe Philippines crown. Gaganapin ang grand coronation sa April 30 sa Mall of Asia Arena.
View this post on Instagram
Tatlong Miss Universe titlists ang magsisilbing host ng pageant, yan ay sina Pia Wurtzbach ng Pilipinas, Iris Mittenaere ng France at Demi-Leigh Tebow ng South Africa.
Si Miss Universe 2021 Harnaaz Sandhu naman na dumating na sa bansa kamakalawa ay isa sa special guest ng pageant habang naghahanda na rin ang reigning Miss Universe Philippines na si Beatrice Gomez sa pagpuputong ng korona sa bagong reynang papalit sa kanyang trono.
https://bandera.inquirer.net/310174/32-finalist-sa-2022-miss-universe-ph-ibinandera-na-michelle-dee-celeste-cortesi-katrina-llegado-pasok-sa-banga
https://bandera.inquirer.net/293463/bida-bidang-young-actor-na-mahilig-manggamit-ng-beki-minamalas-ang-career
https://bandera.inquirer.net/282505/nanay-ni-xian-todo-pasalamat-kay-kim-seeing-him-happy-is-more-than-what-a-mother-could-ask-for
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.