Rayver sa relasyon nila ni Julie Anne: What you see is what you get, kung ano ‘yung nakikita nila ‘yun naman ‘yun, eh!
Rayver Cruz at Julie Anne San Jose
FEELING ng mga tagasuporta nina Rayver Cruz at Julie Anne San Jose ay matagal nang may namamagitan sa dalawa base na rin sa kanilang tinginan at body language.
Halos araw-araw nagpapasabog ng kilig at good vibes ang dalawang Kapuso stars sa pamamagitan ng kanilang mga TikTok dance videos na bentang-benta sa netizens.
Talaga namang nag-uumapaw ang chemistry at magic nina Rayver at Julie sa bawat video na ginagawa nila pero ang tanong ng fans, sila na nga ba?
“Ano man ‘yung sweetness na nakikita nila, lumalabas, dahil ‘yun sa pagka-comfortable namin sa bawat isa. ‘Yung bond na meron kami parang, ewan ko, iba eh,” pahayag ni Rayver sa panayam ng “24 Oras.”
At tungkol nga sa tunay na estado ng kanilang relasyon, ito ang sagot ni Rayver, “What you see is what you get, so kung ano man ‘yung makita nila ‘yun naman ‘yun eh. We’ll see.”
Isa pa sa pinaniniwalaang patunay na may “something” na sa dalawa ay ang mga nakakakilig nilang eksena sa “Limitless” concert trilogy ni Julie Anne.
View this post on Instagram
At ikinatuwa naman ng JulieVer fans na muling makakasama ni Julie Anne sa third leg ng “Limitless” si Rayver.
“I’m really proud kasi hindi biro ‘yung gumawa ka ng tatlong parte na isang concert and only she can do those kinds of things and limitless siya sa talaga. So madali lang for her ‘yung mga ganu’n. Nakaka-proud,” mensahe ng Kapuso actor at TV host sa tinaguriang Asia’s Limitless Star.
Dugtong pa ng binata, “Nakakatuwa lang kasi ang tagal naming hindi nakapag-TikTok ni Juls. So nakapagsayaw ulit ako ng TikTok naming dalawa.
“Parang ang tagal ng huli naming TikTok eh, ang daming natuwa and ang daming kinilig. Nakakatuwa nga ‘yung fans eh kasi very supportive sila,” chika pa ni Rayver.
Samantala, isa si Rayver sa unang bumati kay Julie Anne dahil sa matagumpay nitong “Limitless Live” concert na ginanap sa Sun Life Ampitheater sa BGC, Taguig City kagabi, March 20.
Ibinahagi ni Rayver sa kanyang Instagram account ang litrato nila ni Julie Anne habang nagpe-perform sa nasabing show. Aniya sa caption, “Congrats Julessss!!! Proud of you Asia’s Limitless Star!!!”
Reply naman ni Julie Ann sa kanya, “Husayyyy mooooo, paturo ulit ako.”
Dagdag pa niya patungkol sa first live show niya mula nang magkaroon ng COVID-19 pandemic, “Iba pa din talaga ang live shows. Here’s to more!”
https://bandera.inquirer.net/303702/julie-anne-sa-tunay-na-relasyon-nila-ni-rayver-masaya-naman-maging-masaya-si-lord-ang-nakakaalam-ng-lahat
https://bandera.inquirer.net/298261/julie-anne-sa-pagkabigo-sa-pag-ibig-bakit-ako-ba-yung-nagkulang-saan-ako-nagkamali
https://bandera.inquirer.net/305871/rayver-sumusumpang-walang-third-party-sa-breakup-nila-ni-janine-sila-na-nga-ba-ni-julie-anne
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.