Kit Thompson pinagmumura ng netizens; Ana Jalandoni pinayuhang huwag patatawarin ang dyowa
Kit Thompson at Ana Jalandoni
GALIT na galit kay Kit Thompson ang mga kaibigan at tagasuporta ni Ana Jalandoni dahil sa pambubugbog umano nito sa sexy actress.
Halos iisa ang kanilang komento sa dinanas ni Ana mula sa mga kamay ng hunk actor na pormal nang sinampahan ng pulisya ng mga kaukulang kaso — dapat lang daw na makulong at maparusahan ang may kasalanan.
Napag-alaman namin na hindi raw muna magpapa-interview ang girlfriend ni Kit sa media dahil ang priority ng kanyang pamilya ay ang pagpapagaling at pagpapalakas ng aktres.
Sa ngayon daw ay inihahanda na ng abogado ni Ana ang kanyang official statement kung saan ilalahad nito ang tunay na nangyari sa loob ng kuwartong tinuluyan nila sa Amega Hotel sa Tagaytay City nitong nagdaang March 17.
Kasunod nito, may mga kaibigan din si Ana na magpatingin muli sa ibang ospital upang masigurong wala siyang natamong matinding pinsala sa katawan.
Wala pa ring inilalabas na official statement si Kit hinggil sa pangyayari bukod sa naging pahayag ng kanyang talent management, ang Cornerstone Entertainment.
Hanggang ngayon ay puro pambabatikos ang natatanggap ng hunk actor mula sa netizens lalo pa’t nataon pa ang insidente sa selebrasyon ng National Women’s Month.
View this post on Instagram
Sa Instagram account ni Kit ibinuhos ng ilang supporters ni Ana ang kanilang galit kasabay ng payo sa sexy star na huwag na huwag iuurong ang mga kasong isinampa laban sa kanyang boyfriend.
Talagang pinagmumura pa siya ng mga tagapagtanggol ni Ana. Narito ang ilan sa hate comments ng netizens laban kay Kit.
“Kung totoo man na nambugbog ka ng girlfriend mo! Hayop ka!!!!”
“Grabe ka Kit kalalaki mong tao nananakit ka ng babae!!! Grabe ka. Tama lang na makulong ka.”
“Karma will hit you. Wala kang respect sa gf mo, hindi tama manakit ng babae.”
“Nambubugbog tong tao nato karma na bahala syo.”
“Gwapo Lang pero abusado. Nambubugbog ng babae? Ganon ba kababa ang worth mo at kailangan mo pang manakit ng babae at girlfriend mo pa. Kadiri ka.”
“Lakas ng loob mo halikan kamay ni Ana, na ang totoo binubugbog mo rin pala.”
“Sweet sweetan sa social media in real life nambugbogan pala.”
“Nax kiss now bugbog later. Gusto mo yooorrn? Sana maturuan ka talaga ng leksyon.”
Pero in fairness, kung may mga nagalit kay Kit meron din namang kumampi sa kanya at nagsabing huwag muna siyang husgahan nang bonggang-bongga dahil hindi pa naman niya ikinukuwento ang kanyang panig.
“Grabeng judgmental ng mga tao. Parang sila ang biktima. Hintayin muna natin ang paliwanag at side ni Kit bago nyo sya husgahan,” ang komento ng isang netizen.
https://bandera.inquirer.net/300769/kit-thompson-may-padyowa-reveal-kinantiyawan-ng-mga-kaibigan
https://bandera.inquirer.net/308496/kit-thompson-kinasuhan-ng-pnp-dahil-sa-diumanoy-pananakit-kay-ana-jalandoni
https://bandera.inquirer.net/308381/ana-jalandoni-ni-rescue-ng-mga-otoridad-sa-isang-hotel-sa-tagaytay-kit-thompson-dinala-sa-presinto-para-kwestiyunin
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.