‘First Lady’ nina Gabby at Sanya hindi lang basta pa-cute, pakilig: It’s no joke to be the president’s wife
Gabby Concepcion, Sanya Lopez at Alice Dixson
HINDI in-expect ng veteran actor na si Gabby Concepcion na magkakaroon ng book 2 ang hit Kapuso primetime series na “First Yaya.”
Sa darating na Lunes, Feb. 14, eksaktong Valentine’s Day, magsisimula na ang season 2 ng seryeng pinagbibidahan nina Gabby at Sanya Lopez, ang “First Lady”.
Sa nakaraang online presscon ng programa, natanong nga si Gabby na gumaganap pa rin bilang si President Glen Acosta kung inasahan ba niya na magpapatuloy pa rin ang love story nila ni Yaya Melody na ginagampanan nga ni Sanya.
“Not at all. We all found the core story cute, about a president na na-involve sa isang member ng household niya, the yaya no less.
“Parang fairy tale. Wala pa akong naririnig na ganu’ng klase ng relationship. But the viewers loved it, so heto, we have a season 2,” sey ni Gabby.
Patuloy pa ng aktor, “The show really rated so high kasi may puso, may drama, may comedy, so marami talagang puedeng gawin na susubaybayan ng audience. And we have a good team that brought us to where we are right now. May sequel na kami and we’re very thankful for that.”
Kumusta naman ang muli nilang pagsasama ni Sanya sa “First Lady”, “She definitely has a much more demanding role now kaysa noong she was just the yaya.
“Noon kasi, mas pa-cute, pakilig lang yung romance angle between us. But now, it’s no joke to be the president’s wife. Pero si Sanya is a fast learner kaya I’m sure kayang-kaya niya whatever the challenges of her role would be.
“Mas masaya itong ‘First Lady’ kasi mas dumami pa ang mga kumakalaban sa kanya at gusto nilang ipahiya siya sa harap ng publiko, pero malalampasan niya lahat ng masamang pagsubok nila sa kanya,” kuwento pa ni Gabby.
View this post on Instagram
Samantala, sa book 2 ng “First Lady”, si Alice Dixson naman ang gaganap na kontrabida, “Masaya naman, kasi si Alice ako ang first leading man niya in her first movie, ‘Nagbabagang Luha’, after her reign sa Bb. Pilipinas.
“So we go a long way back and it’s nice to be working with her again. Ang maganda rito sa ‘First Lady’, may intriguing back story rin ‘yung characters namin,” aniya.
Sabi naman ni Alice na gaganap bilang Ingrid Domingo, sa reunion project nila ni Gabby, “It’s definitely a joy to work with Gabby kasi I’ve worked with him several times sa movies man or sa TV.”
Bukod sa “Nagbabagang Luha” na ipinalabas noong 1988 kung saan nakasama nila si Lorna Tolentino, nagsama rin sila sa mga pelikulang “Sinungaling Mong Puso” with Vilma Santos, “Hot Summer” with Aga Muhlach, “Felix Manalo” kasama si Dennis Trillo at “When the Love is Gone” kasama si Cristine Reyes.
At tungkol naman kay Sanya, “First time ko to work with Sanya and she’s a delight to work with. She’s such a lovely person on the set.
“Kunwari, sa umpisa, friend niya ako rito na kakampi niya against those who bully her. Hindi niya alam, may hidden agenda pala ako. I play a very good role, maganda ang back story niya, and I’m just so happy na napasama ako rito sa ‘First Lady,’” pahayag pa ni Alice.
https://bandera.inquirer.net/305037/alice-inatake-ng-sepanx-nang-mawalay-sa-anak-para-sumabak-sa-lock-in-taping-ng-first-lady
https://bandera.inquirer.net/279422/gabby-kay-sanya-madaling-mai-in-love-sa-kanya-ang-kahit-na-sino-dahil
https://bandera.inquirer.net/305180/sanya-lopez-mas-na-challenge-bilang-first-lady-ibubuking-ang-mundo-ng-mga-politiko
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.