David Licauco hiyang-hiya nang landiin ni Sanya Lopez nang naka-bikini
Sanya Lopez at David Licauco
SI DAVID Licauco pa ang nahiya nang tumambad sa harapan niya si Sanya Lopez at landi-landiin siya habang nakasuot lang ng bikini.
Magkasama sina David at Sanya sa pinag-uusapang pelikulang “Samahan ng mga Makasalanan” under GMA Pictures mula sa direksyon ni Benedict Mique.
Wala naman daw naging ilangan ang dalawang Kapuso stars kahit pa hga konektado sila sa dating magdyowang sina Barbie Forteza at Jak Roberto.
Si Sanya ay kapatid ni Jak habang ka-loveteam naman ni David si Barbie. Malapit din na magkaibigan sina Sanya at Barbie na nagkasama nang matagal sa seryeng “Pulang Araw.”
Kaya naman marami ang nagkomento na parang ang weird at ang awkward na makita sa trailer ng pelikulang “Samahan ng mga Makasalanan” na “nilalandi” ni Sanya si David with matching “patong scene” pa.
Kaya naman nang makachikahan namin at ng ilan pang miyembro ng press si David after ng presscon ng movie recently ay natanong ang aktor tungkol sa naturang eksena.
View this post on Instagram
“Yung sa scene, parang nahiya ako for Sanya. Naka-bikini kasi siya. Ha-hahaha! Sabi ko lang, ‘shocks, nakakahiya, ang hirap naman ng ginagawa niya?’
“Pero, nagulat ako, sexy. Ha-hahaha! Tingnan n’yo naman, ang sexy, di ba? Pero yun nga, ako ang nahiya,” ang pag-amin ni David.
Ano naman ang naging reaksyon niya nang ialok sa kanya ang karakter bilang pari? “My initial reaction was, kaya ko ba `yon? Just because…I never played that role, na priest ako. Sa ‘Pulang Araw’ kasi heavy drama yun, then sa ‘Maria Clara at Ibarra’ naman ay more of parang romantic-comedy, and then nakagawa rin ako ng action.
“Pero now, medyo…at ang challenging nga sa akin, sa karakter ko kasi dapat relax lang, timid. Pero ang challenge talaga ay kung paano pa rin talaga maging entertaining ang role ko.
“Pero sa movie na ito, natuto ako na it is okey to commit mistakes, as long as, you learned from your mistakes, and eventually hindi mo na siya gagawin ulit,” kuwento ng aktor.
Samantala, pinuri naman ni Sanya si David sa galing nito na makisama sa cast ar crew ng kanilang movie.
“Tahimik lang. Very nonchalant ‘di ba po? Pero ang cute lang na marunong siyang makisama. At hindi rin po ako nahirapan,” napangiting sey ni Sanya.
Kasama rin sa “Samahan ng mga Makasalanan” sina Joel Torre, Buboy Villar, Chariz Solomon, Betong Sumaya at marami pang iba, mula sa direksiyon ni Benedict Mique. Showing na ito sa April 19.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.