Sharon: Pag 55 na kayo at malapit-lapit ang itchura n’yo sa akin, chaka lang kayo magkaka-K mandiri! Yuck kayo!

RUMESBAK si Megastar Cuneta sa mga taong “nandiri” at nangnega sa ginagampanan niyang role sa bagong movie ng Viva Films, ang kontrobersyal na “Revirginized”.

Magkakaiba ang reaksyon ng mga netizen sa viral photos ni Sharon at ng leading man niya sa pelikula na si Marco Gumabao na kuha sa ilang mapangahas nilang eksena sa “Revirginized.”

Ito yung tequila body shot ng veteran singer-actress at ni Marco na ipinost sa Facebook ng kanilang direktor na si Darryl Yap.

Makikita sa tatlong litrato ang beach party scene kung saan halos lumuwa na ang dibdib ni Mega at ang pagdila ng misis ni Sen. Kiko Pangilinan sa asin na nasa dibdib ni Marco bago tagayin ang shoy ng tequila.

Maraming FB followers si Direk Darryl ang nagsabi na excited na silang mapanood si Sharon sa isang palaban at kakaibang role ngunit meron din ang nandiri at naiskandalo sa kanilang mga nakitang litrato.

Sabi nga ng isang nagkomento, kung kailan daw tumanda si Mega ay saka siya “nagwala”, hindi man lang daw niya binigyan ng kahihiyan ang asawa at mga anak niyang babae.

Of course, may nagtanggol naman sa TV host at aktres na nag-comment ng, “Unang-una aktres siya at hindi siya santo. Ginawa lang niya ang trabaho niya. Hirap sa mga mema (me masabi), e! Juicecoloured! Tigilan nyo na yang attitude na ganyan! Kayo ang nakakadiri!”

Samantala, sa pamamagitan ng Instagram, sinupalpal nga ni Sharon ang kanyang mga hater at basher kasabay ng paghahamon sa mga ito.

Diin ni Mega, magmalaki raw sa kanya ang mga epal na netizens kapag narating na nila ang kanyang edad at kung ang mga itsura ng mga ito ay tulad pa rin ng itsura niya ngayong nasa 50s na siya.

Ibinandera rin ng nanay nina KC Concepcion at Frankie Pangilinan sa buong universe kung gaano siya ka-proud sa kanyang role sa “Revirginized.”

Narito ang kabuuan ng IG post ni Sharon, “In the end, no matter how our movie does or what people say, I will still ALWAYS LOVE CARMELA, my character in ‘Revirginized.’

“Thank you for her, Direk Darryl. Thank you Marco my Pawi – though short, really sweet – for helping me to relive my 20s in our scenes.

“Thank you, dearest CARMELA – my alter-ego/Sasha Fierce – for taking me on an adventure unlike any I could have ever imagined I would be going on in my 50s!

“I’m a gaddam good ACTOR and darn PROUD OF IT! Hahahahaha!

“At sorry po Direk Darryl!!! Di mo po pinadala eh di pinost ko. Hahaha! Laaab yu! @vincentimentsofficial @gumabao.marco

“At sa mga bashers, pag 55 na kayo at malapit lapit ang itchura nyo sa akin ngayon, chaka lang kayo magkaka-K mandiri! Yuck kayo! Hahahahaha!” hugot pa ni Mega.