Robi, Edward, Darren, AC solid ang barkadahan, sino ang ‘puso’ ng kanilang friendship?

KUNG may matatawag na solidong grupo ngayon sa mundo ng showbiz, yan ay ang pagkakaibigan at samahan nina Robi Domingo, Darren Espanto, AC Bonifacio at Edward Barber.

Parang tunay na magkakapatid na rin ang turingan ng apat na Kapamilya stars sa isa’t isa with Robi playing the role of their very supportive and loving kuya.

Pero paano nga ba nagsimula ang kanilang special bond bilang magkakaibigan? Sa nakaraang episode ng Star Magic’s Inside News, ikinuwento ng grupo ang pagkakabuo ng friendship nila.

Naging close raw sila dahil madalas nga silang nagkakasama sa trabaho with Barber as the “heart” of the group. 

“This guy is the glue. He’s one of the glue ng barkadang ito. Edward is the heart of this group. ‘Teka lang parang you have to be serious about this thing.’ He is always that about life,” pahayag ni Robi.

“I am privileged to see these young talents rise up to the challenge and every time na nakikita ko sila on the stage or in their element, that passion that I had and I have biglang nai-ignite ulit. 

“So I’ll grab this chance to thank Darren, AC, and Edward for reminding me why I love doing this one, why I love being able to talk to people and hearing out stories. So thank you,” sey pa ng binata.

Pahayag naman ni Edward patungkol kay Robi, “Alam niyo naman seryoso akong tao, sensitive and seryoso. I always like ‘yung deep, ‘yung bigat, wala lang ganyan lang ako.

“Pero ipinaaalala sa akin ni Kuya Rob na it’s important to have fun. Parang you can laugh at yourself kung nagkamali ka or even when you are learning at ‘di ka perpekto, you’re going to make mistakes, but you are allowed to have fun and laugh at the same time,” paliwanag ni Edward.

Para naman kay Darren, si Robi ang laging nagsasabi sa kanya na i-enjoy lang ang buhay “and stay grounded.” Si Edward naman ang dahilan kung bakit mas malalim ang relasyon niya sa Diyos ngayon habang natutunan naman niya kay AC ang magsalita at manindigan sa kanyang mga pinaniniwalaan.

“I will start with AC, always remind me to stop being too nice to certain people, kasi ‘yun talaga ako I’m really friendly. I don’t like confronting people; I don’t like having any issues with anyone.

“She knows na ganoon ‘yung personality ko. So when it comes to certain things she’s like ‘no, dapat ipaglaban mo ang sarili mo, sabihin mo kung ano ang gusto mong sabihin sa kanya.’ Mga ganoon ang sinasabi ni AC.

“Edward has really taught me to have a closer connection with God and that’s something I really admire with him and that’s something I’m grateful for to have a friend like Edward …’Yun ang natutunan ko kay Edward talaga to put your trust in God,” pahayag pa ni Darren.

Sey naman ni AC, mas naging confident pa siya ngayon dahil sa tatlong “utol” niya sa showbiz, “The support that I’ve gotten from then three because coming into the industry I was 12 years old, I was a kid na dancer lang po talaga. 

“They have encouraged me and got me to be more confident in singing, hosting, especially Kuya Robi and Edward. They always help me with my hosting, my Tagalog. 

“Lahat po they definitely built up my confidence and it’s nice to have them by my side going through the industry,” sabi pa ng dalaga.