AC Bonifacio sinagot ang isyung ‘backstabber’ matapos ang ma-evict sa PBB

PHOTO: Instagram/@acbonifacio

NAGSALITA na si AC Bonifacio sa mga paratang na isa siyang “backstabber” umano matapos ma-evict sa “Pinoy Big Brother: Celebrity Edition Collab.”

Sa panayam ng TV Patrol noong Huwebes, April 3, aminado ang aktres-dancer na aware siya sa mga negative comments na natanggap niya habang nasa loob pa ng PBB house. 

Nilinaw rin niyang wala siyang “bad blood” sa kahit sinong housemate bago siya lumabas.

“Backstabber, manipulative, they would talk about my closeness with Michael [Sager], and inamin ko po ‘yung [relationship namin ni] Harvey [Bautista],” sey niya.

Baka Bet Mo: AC Bonifacio payag bang mag-audition sa Korea para maging K-Pop idol?

Patuloy niya, “Those were the main ones talaga na they were trying to put [against] me. I understand where they’re all coming from.”

Habang nasa loob ng Bahay ni Kuya, umani ng matinding batikos si AC mula sa social media dahil umano sa pambabatikos niya sa isang artista na sinabing “show-off,” kasama si Michael Sager. 

Hinala ng netizens, ang pinapatamaan nila ay ang actress-vlogger na si Criza Taa.

Tila nagkaroon din ng tensyon sa pagitan nila ng housemate na si Bianca de Vera dahil siya ang ex-jowa ng current boyfriend ni AC na si Harvey Bautista.

Bukod diyan, marami rin ang nagsasabing siniraan umano ni AC si Ashley Ortega sa ibang housemates.

Pero giit ni AC, maayos na silang lahat bago pa man siya lumabas sa Bahay ni Kuya.

“But you know what — at the end of the day, na-resolve ko ang mga issues ko sa loob and settled everything before I left. I have no bad blood with anyone in the house,” pahayag niya.

Ayon pa sa kanya, marami siyang natutunan sa pagiging housemate, lalo na ang kahalagahan ng pakikinig sa ibang tao.

“I’m kinda still processing right now at the moment. But it’s been good. I had a good journey. I had a good experience. ‘PBB’ really humbled me. It taught me to just sit and listen,” sambit niya.

Sa hiwalay na panayam ng 24 Oras, sinabi ng dancer na may ilang eksena na hindi naipakita sa publiko, kaya’t maaaring may mga hindi naunawaan ang mga manonood.

“Our friendship [and] family po talaga was genuine and true. ‘Yun ang namimiss ko, ‘yung housemates,” saad ng dalaga.

Paliwanag pa niya, “We know details that other people don’t know. Me and Ate Ashley [Ortega], what we went through, there’s a lot of it that wasn’t shown.”

Sina AC at Ashley ang kauna-unahang na-evict sa “Pinoy Big Brother: Celebrity Edition Collab” noong March 29.

Ang bagong PBB ay isang espesyal na season na may collaboration ng ABS-CBN at GMA bilang pagdiriwang ng ika-20th anniversary ng programa.

Ngayong season, duo format ang labanan at magtatanghal ng tig-isang Big Winner mula sa Kapamilya at Kapuso networks.