Mika Salamanca hindi nga ba nagpapakatotoo sa PBB house?
TRENDING ngayon ang vlogger at Sparkle artist na si Mika Salamanca matapos makakuha ng pinakamababang puntos sa task na ibinigay ni Kuya.
Ito ay may kinalaman sa perspective ng mga celebrity housemates kung sino ba sa kanila ang nagpapakatotoo o hindi.
At sa lahat nga ng mga housemate ay si Mika lamang ang nakatanggap ng red flag at ang pinakamababang marka na hindi nagpapakatotoo sa PBB house.
Sa harap ng mga housemates ay tila tinatagan lang ng dalaga ang kanyang loob at pinigilang maiyak habang sinasabi ni Big Brother ang kanyang nakuhang score.
Baka Bet Mo: Mika Salamanca bago pumasok sa PBB: I made so many mistakes
View this post on Instagram
“Favorite color sa damit,” biro na lamang ni Mika.
At nang matapos ang mensahe ni Kuya at nang makuha na niya ang red flag ay pinili niyang pumunta sa girls’ bedroom at doon na tuluyang naiyak.
Agad naman siyang sinundan ni Michelle para damayan sa kanyang nararamdaman.
“Ang sama lang ng 2.0 kasi ‘yung sinulat ko sa kanilang lahat 3,” umiiyak na sabi ni Mika.
Dagdag pa niya, “Masakit ‘yung red flag kasi po sa labas, ‘yun ang iniiwasan ko kasi ‘yun ang tawag sa akin.”
Sa loob naman ng confession room ay mas idinetalye niya kung bakit siya nasasaktan sa pangyayari.
“Sa labas, ang dali kong pinturahan ng pula. And kahit sa mga past relationships ko, ang dali na parang laging ako ‘yung red flag kasi ako ‘yung strong ang personality, somehow bubog siya sa akin,” pagdedetalye pa ni Mika.
Marami naman sa mga netizens ang naawa sa kalagayan ng dalaga na palaging nami-misunderstood.
“i felt so sad for mika, standing in front of everyone while their eyes are fixated on her while being pronounced as the red flag with a score of 2.0 (the lowest score) really gives her the valid point to walk out right after and cry her heart out.”
“I felt so awful for her to be honest may isa pang housemate ang mas deserve ng red flag kesa sa kanya eh, hulaan niyo na lang kung sino.”
“you will have your shining moment miks, sending you consensual hugs!”
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.