'Fan Girl' big winner sa 4th EDDYS; Paulo, Charlie waging best actor at best actress Bandera

‘Fan Girl’ big winner sa 4th EDDYS; Paulo, Charlie waging best actor at best actress

Ervin Santiago |April 05,2021
share this

‘Fan Girl’ big winner sa 4th EDDYS; Paulo, Charlie waging best actor at best actress

Ervin Santiago - April 05, 2021 - 09:50 AM

HUMAKOT ng parangal ang pelikulang “Fan Girl” sa katatapos lang na 4th The EDDYS (Entertainment Editors’ Choice) ng Society of Philippine Entertainment Editors (SPEEd).

Naganap ang maningning na digital awards night ng ikaapat na edisyon ng The EDDYS kagabi na napanood sa FDCP Channel (fdcpchannel.ph) at iba pang online platforms kabilang na ang official Facebook page ng SPEEd.

Pito sa 14 tropeo na ipinamigay sa gabi ng parangal ang naiuwi ng pelikulang “Fan Girl” kabilang na ang Best Actress para kay Charlie Dizon at Best Actor para kay Paulo Avelino.

Nagwagi rin si Antoinette Jadaone bilang Best Director para sa nasabing pelikula at nakuha rin niya ang tropeo para sa kategoryang Best Screenplay.

Ang “Fan Girl” din ang itinanghal na 4th EDDYS Best Picture. Sa technical awards naman, nakuha rin ng pelikula ang Best Sound at Best Editing.

Waging Best Supporting Actor si Edgar Allan Guzman para sa pelikulang “Coming Home” habang itinanghal namang Best Supporting Actress si Shaina Magdayao para sa “Tagpuan”.

Nakasama ng mga opisyal at miyembro ng SPEEd ang award-winning Kapamilya star na si Robi Domingo na nagsilbing host ng 4th The EDDYS.

Sa pakikipagtulungan ng Film Development Council of the Philippines (FDCP) ni Chairperson/CEO Liza Diño-Seguerra, ang 4th EDDYS ay idinirek ng OPM icon at singer-songwriter na si Ice Seguerra.

Samantala, nakibahagi rin sa awards night sina Batangas 6th District Representative at Star for All Seasons Vilma Santos na siyang nag-present ng mga nominado para sa best actress habang ang AKTOR Chairman of the Board na si Dingdong Dantes ang naghayag ng best actor nominees.

Si Rep. Vi ang kauna-unahang EDDYS best actress para sa pelikulang “Everything About Her” at si Dingdong naman ang 3rd EDDYS best actor para sa pelikulang “Sid & Aya.”

Narito ang kumpletong listahan ng mga nagwagi sa 4th EDDYS ng SPEEd.

Best Picture – Fan Girl
Best Director – Antoinette Jadaone (Fan Girl)
Best Actor – Paulo Avelino (Fan Girl)
Best Actress – Charlie Dizon (Fan Girl)
Best Supporting Actor – Edgar Allan Guzman (Coming Home)
Best Supporting Actress – Shaina Magdayao (Tagpuan)
Best Screenplay – Antoinette Jadaone (Fan Girl)
Best Cinematography – Rody Lacap (Magikland)
Best Visual Effects – Richard Francis & Ryan Grimarez (Magikland)
Best Musical Score – Tie – On Vodka, Beers And Regrets & The Boy Foretold By The Stars
Best Production Design – Ericson Navarro (Magikland)
Best Sound – Vincent Villa (Fan Girl)
Best Editing – Benjamin Tolentino (Fan Girl)
Best Original – Theme Song – Ulan (The Boy Foretold By The Stars)

Your subscription could not be saved. Please try again.
Your subscription has been successful.

Subscribe to our daily newsletter

By providing an email address. I agree to the Terms of Use and acknowledge that I have read the Privacy Policy.

Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.

Your subscription could not be saved. Please try again.
Your subscription has been successful.

Subscribe to the hottest celebrity news

By providing an email address. I agree to the Terms of Use and acknowledge that I have read the Privacy Policy.

What's trending