Payag ba si Carla na iwan ang showbiz kapag kasal na sila ni Tom?

WALANG planong tumigil sa pag-aartista ang Kapuso actress na si Carla Abellana kahit mag-asawa na sila ni Tom Rodriguez.

Nangako naman si Tom na hindi rin niya pipigilan ang kanyang fiancée kung gusto pa rin nitong ipagpatuloy ang pag-aartista, 100 percent daw niyang susuportahan si Carla sa lahat ng gusto pa nitong gawin.

Bago matapos ang taon magaganap ang wedding ng Kapuso couple at plano ras nilang magkaroon ng dalawang baby. Sinabi ni Tom na anim talaga ang gusto niyang maging anak pero sa panahon ngayon ay hindi ras ito praktikal.

Sa ginanap na virtual media conference ng GMA para sa engagement nina Tom at Carla, natanong sila kung meron ba silang balak i-let go o kailangang isakriposyong trabaho kapag mag-asawa na sila.

Ani Carla, “Parang dapat wala kaming dapat i-let go because we have a lot of obligations, work obligations, marami kaming mga responsibilities pa and we have to fulfill all of those.”

Kuwento ng aktres, napakarami pa nilang plano ni Tom, kabilang na riyan ang pagpapatayo ng sarili nilang bahay kaya wala raw dapat masakripisyo sa kanilang career para matupad ang kanilang goals as married couple.

“Building a home together that would be new once we get married, papasukin namin ‘yun together. We will incorporate everything pati ‘yung wishes ng isa’t isa in terms of building a home.

“Of course, parenthood, eventually, building a family. Hopefully, it doesn’t get to the point that we have to sacrifice much of work to be able to build a family together, but that’s natural.

“Doon naman din pupunta so, definitely, marami pang papasukin at haharapin together,” pahayag pa ni Carla.

Para naman kay Tom, “Kumbaga it’s not that you’re going at your 50 percent and hoping to get the other 50 percent from your partner. Inherently, dapat you, guys, both at your best together to build something even better.

“So, hopefully, we’ll try to compromise and really meet in the middle and grow together as a couple in this new chapter of our lives,” sey pa ng Kapuso actor.

Last year pa (Oct. 18, 2020) nag-propose si Tom kay Carla sa mismong bahay ng pamilya ng aktres pero last week lang nila ito ibinandera sa publiko. Anim na taon nang magkarelasyon ang celebrity couple.