Baby girl ang unang supling nina Assunta at Jules Ledesma
Screenshot mula sa Instagram ni Assunta de Rossi
Matapos ang may 16 taong paghihintay, isinilang ni Assunta de Rossi ang kaniyang unang supling sa asawang si Jules Ledesma.
“This is the most beautiful photo for life! Little Fiore and tears of joy in my sister’s eyes,” ayon kay Assunta.
Matagal ding sinubukan ng mag-asawa na mag-anak pero nito lamang huling bahagi ng 2019 pinalad na mabuntis ang 37-anyos na Filipino-Italian actress.
“Miracles happen every day, and this one is the best!” ani Assunta.
Ibinahagi rin ng kapatid ni Assunta na si Alessandra sa Instagram ang magandang balita.
“This is the most beautiful photo for life! Little Fiore and tears of joy in my sister’s eyes,” ani Alessandra.
Sa post naman ng celebrity publicist na si Jun Lalin, sinabi niya ang detalye ng pagsilang kay Baby Fiore:
“From Assunta: ‘Name: Giulia Fiorentina Alessandra Born: Oct. 23, 2020, 7:06 AM at Cardinal Santos Medical Center, San Juan Weight: 5 lbs 12 oz Delivered via elective CS at 38 weeks due to myoma uteri.”
Nito lamang Mayo ibinahagi ni Assunta ang balita ng kanyang pagbubuntis.
Ikinasal ang actress sa pulitiko at negosyanteng si Jules noong 2004.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.