Unang kaso ng lung injury dulot ng paggamit ng vape naitala sa Visayas — DOH | Bandera

Unang kaso ng lung injury dulot ng paggamit ng vape naitala sa Visayas — DOH

|November 15,2019
facebook
share this

Unang kaso ng lung injury dulot ng paggamit ng vape naitala sa Visayas — DOH

- November 15, 2019 - 05:43 PM

INIULAT ng Department of Health (DOH) ang unang kaso ng vape-associated lung injury (EVALI) mula sa 16-anyos na dalagita sa Visayas.

Sa isang pahayag, kinumpirma ng isang pribadong pulmonologist sa DOH na nakaranas ang pasyente, na naospital noong Oktubre 21, ng “sudden-onset severe shortness of breath, required oxygen supplementation and Intensive Care Unit admission.”

Matapos ang isinagawang imbestigasyon, sinabi ng doktor na na-diagnose ang dalagita ng EVALI, base sa inilabas ng panuntunan ng US Centers for Disease Control.

Sinabi ng DOH na gumagamit ang pasyente ng e-cigarette sa nakalipas na anim na buwan habang isinasabay ang ordinaryong sigarilyo.

Muling pinaalalahanan ni Health Undersecretary Eric Domingo ang mga gumagamit ng e-cigarette na agad na magpatingin sa doktor at manghingi ng payo kung paano ititigil ang paggamit ng vape.

Idinagdag ni Domingo na hindi dapat gumamit ng vape ang mga menor de edad.

“No e-cigarette product should be accessible to young children and adolescents, who are uniquely susceptible to the harms of e-cigarettes and nicotine. I urge non-users not to even try e-cigarettes at all,” sabi pa ni Domingo.

Nauna nang sinabi ni Domingo na tinatayang isang milyong Pinoy, karamihan ay mga kabataan ang gumagamit ng e-cigarettes.

Your subscription could not be saved. Please try again.
Your subscription has been successful.

Subscribe to our daily newsletter

By providing an email address. I agree to the Terms of Use and acknowledge that I have read the Privacy Policy.

Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.

What's trending