ALDEN RICHARDS AT KATHRYN BERNARDO
IBIBIDA ng ABS-CBN ang highest-grossing Filipino film of all time na “Hello, Love, Goodbye” sa Cannes, France para sa 2019 MIPCOM, isang pagtitipon ng movie producers at ibang propesyonal sa larangan ng pelikula.
Matatandaang nakapagtala ang pelikula na pinagtambalan nina Kathryn Bernardo at Alden Richards ng worldwide gross na P880 million. Pinuri rin ito ng mga manonood at movie critics dahil sa magandang takbo ng kwento at sa husay ng pag-arte ng cast.
Kabilang sa mga ibibida pang programa ng Kapamilya Network sa Cannes, France ang Kadenang Ginto at Sino Ang May Sala? Mea Culpa.
Isang taunang trade event sa France ang MIPCOM, kung saan nagtitipon ang content producers, buyers, financiers, at distributors sa larangan ng entertainment at advertising sa buong mundo.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.