NASAWI ang isang 20-anyos na lalaki nang sumalpok ang sinakyan niyang motorsiklo sa gilid ng tulay sa Laoag City, Ilocos Norte, Miyerkules ng madaling-araw.
Dead on the spot si John Marvin Buduan, residente ng Paoay, dahil sa matinding pinsala sa ulo, ayon sa ulat ng Ilocos Norte provincial police.
Naganap ang insidente sa Mangato Bridge na nasa Brgy. 38-A, dakong alas-12:50.
Nagmomotorsiklo si Buduan patungong timog nang sumemplang ang kanyang sasakyan, at siya’y dumausdos patungo sa railing ng tulay.
Lumabas sa imbestigasyon na nawalan ng kontrol sa manibela ang rider, na wala pang suot na helmet nang mag-motor.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.