Ali Sotto nag-audition bilang newscaster: Sabi sa akin, ‘don’t call us, we’ll call you’
ALI SOTTO
ALAM n’yo ba na bago naging recording artist at aktres si Ali Sotto ay pinagarap na niyang maging isang TV news personality?
Sa nakaraang mediacon ng Dobol B sa News TV, naibahagi ni Ali na nag-try siyang mag-audition noon bilang isang newscaster, pero hindi siya pumasa.
“You know it’s a little known fact that when I was 17 or 18, I auditioned as a newscaster tapos ang sabi sa akin ‘don’t call us, we will call you’ and they never called.
“So bata pa lang ako gusto ko ng News and Public Affairs nalihis lang ako sa singing as a recording artist tapos naging artista ako sa film and TV, naging impersonator ako ni Imelda (Marcos).
“Naging host ako ng mga talk shows bago ako nalinya sa mga public affairs shows and then finally I ended up in News and Public Affairs several decades later,” dagdag pa niya.
Sabi pa ni Ali, ang pagpasok niya bilang isa sa mga commentator sa DZBB Super Radyo ay isang dream come true, “I am where I initially wanted to be. Considering nga lang graduate ako ng Communications Arts sa University of Santo Tomas and I put to good use ’yung two years ko sa Ateneo College of Law.
“I guess life has a funny way of putting you where God wants you to be so lahat naman ng taon ko that I spent in entertainment, gamit ko pa rin ngayon,” pahayag pa ng TV host-actress.
Napasalamat din si Ali sa lahat ng awards at recognitions na ibinigay sa kanya, kabilang na ang award mula sa Rotary Club of Manila bilang Radio Female Broadcaster of the Year.
“So, I am now finally where I want to be. And the recent spate of awards from the Rotary Club of Manila, ‘yung Journalism Awards nila, ‘yung Dr. Jose R. Perez Memorial Award sa FAMAS, and then the Gandingan Award.
“It’s really been a good past year for me. It’s so validating na finally nakikita naman pala ‘yung trabaho na pinupuhunan mo kada umaga, bago ka sumalang,” aniya pa.
Si Ali ang ka-tandem ni Arnold Clavio sa “Sino?” at “Dobol A Sa Dobol B” ng Dobol B sa News TV.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.