Teddy Corpuz: Nakakadiri na mag-online, sobrang toxic

TEDDY CORPUZ

“Nakakadiri na mag-online!” ‘Yan ang hirit ng TV host-singer na si Teddy Corpuz na apektado na rin ng matinding kanegahan sa social media.

Ayon sa bokalista ng bandang Rocksteddy, feeling niya hindi na talaga healthy ang paggamit ng social media ngayon dahil umabot na ito sa “toxic” level, kung saan mas dumarami pa ang mga taong napipilitang maglabas ng mga fake news.

Bahagi ng kanyang tweet, “Naramdaman niyo na ba na parang nakakapagod din minsan ang social media? Sobrang toxic to the point na nakakadiri na mag-online.

“‘Yung mga pekeng Instagram pictures mo with your sunod sa uso filters topping off with some random intellectual caption or quote na wala namang kinalaman dun sa pic mo,” emote ni Teddy.

Pagpapatuloy pa ng singer-actor, “Tas alam naman natin lahat na most of the time boring naman talaga at napaka mundane nang buhay mo.

“Di naman natin pinopost ‘yung mga shitty moments, depressed, dull, weaknesses and anxieties natin. Kasi nga everything in our feed kailangan maganda, masaya and ‘feed-goal’ worthy.”

“Kaya todo post ka nang umaatikabo mong vlog to show kung gaano kasarap at kasaya ang pekeng buhay na pinapakita at ipinaiinggit mo sa mga followers mo who wanted to be just like you. Na parang gusto mo munang mag-break sa social media,” aniya pa.

Sa huli sinabi ni Teddy na tanging si Lord pa rin ang sagot sa lahat ng dasal ng tao, “Nakaka discourage di ba? Minsan pag naiisip ko yan I always turn to God. Na sya nalang yung security and identity ko. Na mahal nya ako no matter how ordinary or unworthy I am.”