Lolang inoperahan, dalagang kakaiba ang itsura parehong pinasaya ni Alden
ALDEN RICHARDS
DALAWANG fans ang magkasunod na pinasaya ni Alden Richards.
Una ay si Lola Fabiola Paderes na personal niyang na-meet nang maging bahagi ang Pambansang Bae sa selebrasyon ng Festival Walk sa Iloilo last June 30.
Isa si Lola Fabiola sa sumugod sa opening ng mall kung saan may show ang Kapuso heartthrob.
Nagpapagaling mula sa isang operasyon ang lola pero nawala ang nararamdaman niya nang makita at mayakap si Alden, huh!
Sa episode naman last Sunday ng Kapuso Mo, Jessica Soho, lumutang sa isang segment si Alden na idolo ng isang dalagang si Angelica na may diperensya sa mukha. Pero kahit kakaiba ang hitsura, nakapagtapos pa rin siya ng kanyang pag-aaral.
Nang bumulaga si Alden sa harap ni Angelica, kitang-kita sa expression niya ang sobrang kaligayahan.
Tweet ng isang netizen sa ginawa ni Alden, “Si Alden talaga ang isang artistang never mong kakikitaan ng pangingilag sa kahit sinong tao, tsaka yung empathy niya, it naturaly comes out.
“Nawa’y napasaya ka ng Pambansang Bae, Angelica,” dagdag pa nito.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.