Libo-libong mga deboto dumagsa sa prusisyon ng replika ng Itim Na Nazareno
LIBO-libong mga deboto ang lumahok sa prusisyon ng replika ng Itim Na Nazareno sa Quiapo Church sa Maynila.
Ganap na alas-2 ng hapon, nakapagtala na ang Manila Police District (MPD) ng 80,000 deboto na lumahok sa prusisyon.
Sa mga nakalipas na taon, daan-daang mga replika ng imahe ng Itim Na Nazareno ang ipinaparada sa loob ng dalawang araw bago ang Traslacion bukas.
Inaasahang aabot sa 19 na milyon ang makikilahok sa Traslacion 2018 bukas na magsisimula alas-6 ng umaga mula sa Luneta Grandstand.
Umaasa si Fr. Douglas Badong, ng Quiapo Church na makakabalik ang Itim Na Nazareno sa Quiapo matapos ang 12 oras.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.