Netizens nakigulo sa bangayan ng mag-amang Paolo, Isabelle Duterte

DAVAO CITY – Nakisali na rin ang mga netizens sa gulo ng mag-amang Paolo at Isabelle Duterte.

Ilang Duterte supporters ang sumang-ayon kay Davao City vice mayor Paolo, at nagsasabi na dapat ay nirerespeto ni Isabelle ang kanyang ama kahit hindi pa siya sumasang-ayon dito.

“You have no manners,” hirit ng isang netizen sa Facebook page ng bise alkalde, habang pinapagalitan si Isabelle.

Pero meron din namang hindi nasiyahan sa ginawa ni Paolo sa kanyang anak.

“Whatever issues (they) had, they should have talked about it in private,” sabi ng isa pang netizen sa Facebook.

“Why wash your dirty linen in public?” dagdag naman ng isa pa.

Meron din namang nakisimpatya kay Isabelle.  Kahit anila mali si Isabelle sa ginawa nito sa anak, hindi dapat nito pinagalitan ng ama sa harap ng publiko.

Sumiklab ang bangayan ng mag-ama sa social media Biyernes ng gabi matapos mag-post ang dalaga, anak ni Paolo sa dating misis na si Lovelie Sangkola, sa kanyang Twitter account na ang pinatutungkulan ay ang kanyang tatay.

Hirit nito: “It’s not that if you have power, you can already hurt people,” pahayag ng dalaga na isinalin mula sa Cebuano.

Dagdag pa niya: “The one you’re touching is also human!!!! Not only human but a child!!!!.”

Hindi naman malinaw kung sino ang sinasabihang sinaktan diumano ng bise alkalde.   “You cannot act like that just because you have a name!!!! Just because you are a Duterte, it would be alright already.”

Nagpahayag din ito kung paano sinisira diumano ng kanyang ama ang kanyang Pasko.

Hindi naman ito pinalagpas ni Paolo at naglitanya naman sa kanyang FB page.

“It’s not that if you have been pimped twice by that person, I will keep my silence. And if your mother would no longer care if she gets something in return, I would not. It’s not because I am a Duterte but because I’m a father,” pahayag ni Paolo.

Hinamon din nito ang anak na palitan na lang ang pangalan niya.

“You don’t respect me anymore! You’re embarrassing!” hirit pa ni Paolo.

“You should really go to school so that your mind would not go blank.”

“You don’t listen anymore because you’re now famous? Famous for what Belle? Famous for being rude to your father?”  dagdag pa nito.

“Wait until I die before you get away from me. Just pray, day,” aniya pa.

Inamin din ng bise alkalde na isang kahihiyan ang insidenteng nangyari.