Featured Stories

TUWANG-tuwa rin si Marian Rivera nang mismong si Angel Locsin ang magbigay sa kanya ng “good luck” message bilang suporta sa fantaserye niyang Super Ma’am sa GMA 7 na nagsimula na nga kagabi sa GMA Telebabad. Kahit may mga nang-iintriga sa kanila, dedma lang ang dalawang aktres na nananatili pa ring magkaibigan sa kabila ng mga pinagdaanan nilang mga kontrobersiya. Pero bigo ang mga taong gustong pag-awayin sina Marian at Angel dahil hindi natuloy ang pagtatapatan ng kanilang mga serye sa primetime dahil ang kinalaban ng Super Ma’am ay ang Probinsyano ni Coco Martin habang ang ipinangtapat naman sa La Luna Sangre nina Angel ay ang Alyas Robin Hood ni Dingdong Dantes. Sa panayam namin kay Marian sa nakaraang presscon ng Super Ma’am, matagal niyang hinintay ang pagkakataong makabalik sa primetime at naniniwala siya na magandang comeback material ang nasabing fantasy-comedy series na alay daw nila ito sa mga guro at mga estudanyante. “Ano pa ba ang magandang role na dapat kong gawin sa puntong ito ng aking career kundi ang magsilbing mama, mommy, o ma’am at ina ng mga bata. Siguradong mas palalakasin ng programang ito ang relasyon ng mga nanay sa kanilang mga anak at ng mga teacher sa kanilang mga estudyante,” paliwanag ni Marian. Napapanood ang Super Ma’am pagkatapos ng 24 Oras, ka-back-to-back ang Alias Robin Hood. q q q