Pangitain ni Baldwin: Kamatayan sa 2 politiko, TV host, kilalang artista
Rudy Baldwin
MARAMING naniniwala na talagang nahulaan ng psychic na si Rudy Baldwin ang magkasunod na kamatayan nina Pilita Corrales at Nora Aunor.
Pero as expected, may mga nambasag din sa psychic reader and dream translator na nagsabing wala naman daw itong tinukoy na mga pangalan sa kanyang pangitain kaya kaduda-duda raw.
Base sa ilang nabasa naming comments, kinilabutan daw sila nang mabasa ang Facebook post ni Rudy nito lamang nagdaang March 11 kung saan sinabi nitong may dalawang veteran stars sa showbiz ang mamamatay.
“ME NAKITA AKONG DALAWANG BETERAN NA ARTISTA AT DALAWANG KILALANG MANG AAWIT ANG MAGPAPAALAM NA SA MUNDO NATIN. ANG BUHAY NATIN AY DUMAAN LANG SA MUNDONG IBABAW KAYA PAHALAGAHAN NATIN ANG BAWAT ORAS.
“LAGI PO TAYO MAG INGAT AT HUWAG MAKALIMOT ANG MANALANGIN PALAGI,” aniya.
Ayon sa mga netizen, tila nahulaan ng psychic reader ang pagpanaw ng dalawa sa mga itinuturing na icon sa Philippine entertainment industry — yan nga ay ang Asia’s Queen of Songs na si Pilita Corrales at Superstar Nora Aunor.
Ni-repost ni Rudy ang mga repost ng kanyang followers sa kanyang March 11 hula. Ang caption ni Rudy sa kanyang post, “ISA AKO SA MGA TAGA HANGA NILA MULA NUN PAMAN .SA GALING NILA SA PAG ARTE AT PAG AWIT.
View this post on Instagram
“TAOS PUSO AKONG NAKIKIRAMAY SA PAMILYA NILA MISS PILITA CORALES AT MISS NORA AUNOR . ANG INYONG PANGALAN AT GALING AY MANATILI SA BAWAT PUSO NG INYONG MGA TAGAHANGA NYO. R.I.P MGA IDOL.”
Bukod dito, may iba pang nakababahalang hula si Rudy Baldwin. May dalawang kilalang politician din daw ang mamamaalam sa mundo pati na ang isang TV host na nakilala rin sa pagbabalita.
“MARCH 11:2025 #SHOWBIZ VISION .ME NAKITA AKONG KILALANG POLITIKO ITO HALOS KILALA SYA KAHIT SA IBANG BANSA ANG HINDI INAASAHAN ANG PAGKASAWI NITO.
“AT DALAWANG POLITIKO ITO NA NAKITA KO MAGPAALAM NA SA MUNDO NATIN. ME NAKITA AKONG TV HOST AT MAGALING NA TV HOST ITO TUMATATAK ANG PANGALAN NYA SA INDUSTRIYA NG PAGBABALITA ANG NAKITA KO ANG BIGLAANG PAGKAWALA NITO.
“NASAWI ITO NG HINDI INAASAHAN NG LAHAT AT BABAE ITO. ME ISANG LALAKI NA TV HOST ANG NAKITA KO NA MAAKSIDENTI SA DI INAASAHAN NA PANGYAYARI,” ang mababasa pa sa FB post ni Rudy.
Pagpapatuloy pa niya, “MAHALAGA ANG MAGING MAINGAT SA LAHAT NG ORAS. ME NAKITA AKONG KILALANG ARTISTA AT ANG ISA AY KAPAMILYA NG ARTISTA ANG NAAKSIDENTI SA KARAGATAN NGUNIT NASAWI ITO.
“ME NAKITA AKONG ARTISTA NA HINDI PA ITO BETERAN SA SHOWBIZ ANG MASAWI NG DAHIL SA KANYANG HEALTH CONDISION AY NAAKSIDENTI ITO.
“MAHALAGA UNAHIN ANG KALUSUGAN SA KAHIT NA ANO PANG GINAWA NATIN SA BUHAY.”
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.