Michael de Mesa sa Kimerald: Mapapatulala ka na lang sa galing nila!
PURING-PURI ng award-winning veteran actor na si Michael de Mesa sina Kim Chiu at Gerald Anderson sa daytime series nilang Ikaw Lang Ang Iibigin ng ABS-CBN.
Ginagampanan ni Michael sa serye ang karakter ni Roman dela Vega, ang istriktong ama ni Jake Cuenca at asawa ni Ayen Laurel na walang ibang inisip kundi ang kanyang nga negosyo.
“Pero meron yang twist sa bandang ending na ikagugulat ninyong lahat dahil ikinagulat din naming lahat ang mga mangyayari,” ani Michael sa isang panayam.
Unang nakasama ng magaling na aktor sina Kim at Gerald noong 2007 sa seryeng Sana Maulit Muli at natutuwa siya na ang layu-layo na ng narating ng magka-loveteam.
“Sa first teleserye nina Gerald at Kim kasama ako. I’m so amazed na nakita ko yung growth nila pareho as actors lalo na si Gerald kasi nung first hindi marunong mag-Tagalog yan eh.
“Pero ngayon yung growth, yung pagiging comfortable ni Gerald in speaking Tagalog at saka yung depth niya as an actor napapa-stare na lang ako. Ganu’n din si Kim although si Kim bungisngis, madaling patawanin.
“Pero pag nag-focus na, it’s a very, very big change from the first time we worked together to where they’re at now as actors. I’m grateful and thankful to ABS-CBN that I’m back after eight years. “Maganda rin yung welcome na ibinigay nila sa akin with two shows. Sobrang grateful ako. Thank you also na dito ako nailagay, na naging part uli ako ng Kimerald,” mahabang pahayag ni Michael.
Saludo rin daw siya sa professionalism at dedication nina Kim at Gerald sa kanilang trabaho, “If you compare how they were when they were starting and where they’re at now, leaps and bounds talaga. They have both matured, they have a grasp of the craft and they know their characters very well.
“And I really enjoy doing my scenes with Jake. Most of my scenes so far have been with Jake and Ayen. But with my scenes with Jake, I feel a certain energy that he gives na he has a certain style na pag hindi mo nasakyan hindi mo mahuhuli.
“Kumbaga he gives a lot kasi, acting is acting and reacting. I only react to what he gives kaya nagiging interesting yung mga eksena namin.
“And then with Gerald naman we’ve had a few scenes pa lang but I can already tell, I’ve seen the growth already. Malayo na and looking forward to our scenes with Kim and the other young actors,” aniya pa.
Tutukan ang pagpapatuloy ng kuwento ng Ikaw Lang Ang Iibigin bago mag-Showtime sa ABS-CBN. Lalo na ngayong nagkakainitan na sina Jake at Gerald dahil sa pagmamahal nila kay Kim.
Abangan kung anu-ano ang gagawing pagpapa-impress ni Jake para maunahan si Gerald
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.