Featured Stories

SUMAKABILANG-BUHAY na ang ina ni Baron Geisler na si Gracia Bayoneto Geisler noong Linggo sa edad na 60. Cancer at iba’t ibang kumplikasyon ang sinasabing dahilan ng pagpanaw ng ginang. Mismong si Baron ang nag-announce ng malungkot na balita sa pamamagitan ng kanyang Facebook account kahapon ng umaga. “Our dearest mom went back to heaven last night to join our Creator. “She will no longer feel the pain of her illness that made her suffer for quite sometime now, and for that, I’m glad. “For those who would like to celebrate the life and memories of our mom Gracia Geisler, her wake will be later today at St. Louie Memorial Chapel and Services, Mabiga, Mabalacat City, Pampanga until Friday. “Thank you and God bless you all!” ang unang bahagi ng FB post ng kontrobersiyal na aktor. Muling nag-post ng mensahe sa FB ang aktor para naman sa kanyang pinakamamahal na ina: “I will forever be grateful for your love and kindness mommy. We never missed a day na hindi ako nag i love you sayo. “I’m glad that you’re with papaJesus! Grabe ganda niya parin. Bait ni God at ang peaceful ng mukha niya. God, ikaw na namumuno. Just lead the way sunod ako. #MightyMenOfGod!” Ayon sa ulat, sinubukan pa raw isugod sa Medical City Hospital sa Clark ang nanay ni Baron pero binawian na ito ng buhay. Sa panayam ng ABS-CBN sa binata, sinabi nitong hindi naman sila naging sobrang emosyonal nang mamaalam na ang kanyang mommy. “Pero parang pelikula. Kasi nu’ng nag-I love you na kaming lahat (na magkakapatid), may luha yung mata niya. Kilala mo si mommy, fighter na fighter ‘yan. Pero parang ganu’n siguro. Sabi niya siguro, puwede na siyang umalis kasi happy na siya dahil ako naman yung ipinagdarasal niya. “She was a great mother to us. May doctor, siya, dentist, actor, Olympian, manager na mga anak. The best siyang ina. Sobrang mami-miss ko siya!” pahabol pa ni Baron.