7 miyembro ng Sessionistas kanya-kanyang pasabog sa V-concert
Duncan Ramos, Nyoy Volante, Kean Cipriano, Juirs, Princess Velasco, Sitti at Ice Seguerra
SIGURADONG sulit na sulit ang ibabayad ng mga fans sa pre-Valentine reunion concert ng Sessionistas na magaganap sa February 8, 2025 sa The Theatre at Solaire sa Parañaque City.
Titled “Love, Sessionistas” muling magsasama-sama sa concert stage sina Ice Seguerra, Nyoy Volante, Sitti Navarro, Duncan Ramos, Princess Velasco, Kean Cipriano, at Juris.
Enjoy na enjoy ang mga members ng entertainment media sa bonggang pasampol ng mga seasoned and award-winning OPM artists sa naganap na presscon kamakalawa, January 13, sa studio ng Fire & Ice sa Scout Center, Sct. Tobias St., Quezon City.
Ayon kay Ice, magsisilbi itong reunion concert ng Sessionistas dahil matagal-tagal na rin silang hindi nagkakasama sa mga live shows tulad ng ginagawa nila noon sa “ASAP.”
“I think the last time talaga nagkasama-sama kami was 2015. March of 2015. Medyo matagal na po. There was a plan actually nu’ng 2019 na mag-hold kami ng something like this, ng concert.
“I actually messaged everybody then. Sabi ko, ‘Guys, okay ba kayo na mag-ano?’ Kasi, parang, ‘Tara!’ Miss ko na silang makasamang tumugtog.
“So, nag-game naman sila. Kaso nag-pandemic, di ba? Meron na kami nu’n, may venue na kaming kinakausap. Meron na kaming kausap na stage designer, everything. Kaso biglang nag-pandemic.
View this post on Instagram
“So, na-move siya nang na-move hanggang sa ang daming nangyari sa mga buhay ng isa’t isa. Sobrang na-miss ko silang kasama talaga,” sabi ng OPM icon.
Bukod sa pagiging artist sa show, si Ice rin ang producer nito with Fire And Ice Productions na pag-aari nila ng asawang si Liza Diño at siya rin ang magsisilbing stage director.
Pahayag naman ni Nyoy, “At some point naman during those 10 years, may mga nagkakasama-sama sa amin. Basta yung mga ganung klase, di ba, na may mga tugtog kami. Tapos bibisita, hindi naman siguro secret, no.
“Na bukod sa magkakatrabaho, we were very, very good friends. So whenever we have something, teatro, nu’ng nag-teatro ako, nag-teatro si Ice, nandiyan itong mga ito, nanood.
“So hindi talaga maiiwasan na magkita-kita rin. ‘O, ano, kailan tayo magso-show ulit?’ Coz we’re so used to playing with each other, singing with each other.
“As you could see kanina, wala naman talagang pinagplanuhan du’n sa mga ano but everyone was singing along while someone was singing in front,” sabi pa ni Nyoy.
Paglalarawan naman ni Ice sa kanilang concert, kahit daw pang-Valentine ito pak na pak ito sa buong pamilya, mga magdyowa, magbabarkada at pati na rin sa mga single.
Sey ni Ice, “Kahit Valentine’s Day naman, may universal love tayong tinatawag, e. Di ba? There’s romantic love, of course we have that covered already. But there are other kinds of love that we wanna celebrate din during the show.
View this post on Instagram
“And kaya nga ang sarap din na magkakasama kaming pito. Kasi we’re celebrating our friendship as well, that has stood the test of time.
“Ang tagal na rin naman talaga. So, ang sarap lang na alam mo yon, we’re singing about lovers, we’re singing about friendship, we’re singing about all these amazing things.
“And alam mo yon, nothing feels better than singing it with your friends. Na nasa tono,” sey pa ng singer-songwriter.
Hirit naman ni Nyoy, “Yes, it’s going to be like that, kasi yun nga, we’re so used to like playing off each other’s mga ano, yung sasagut-sagot, ganun. So it’s gonna be like that.
“But of course it’s gonna be more organized, more prepared. Kasi talagang ano, e, we’re really trying to make a really good show.
“So, yung alam na naming gawin, which is to complement each other, iha-harness na lang namin ng preparation. We have so many nice surprises for you, guys. Kakarating lang ng mga study, ng mga arrangement. And it’s so nice,” saad pa ni Nyoy.
Humirit naman ng biro si Ice ng, “Maghuhubad si Kean!”
Pagsingit naman ni Kean, “Na-gets ko yung parang tanong… ano ba siya? Like, Valentine’s, ganito. Parang treat siya for everyone, e. Basta ang ano dito is, kumbaga, love is the answer dito sa show na ito, e. Yung music, yung camaraderie namin, di ba?
“Pero we’ll make sure na lahat ng kakantahin namin dito sa concert na ito, e, ii-interpret namin or ide-deliver namin nang kung ano talaga yung kahulugan sa bawa’t pag-ibig na nandun sa mga kanta na yun,” dugtong pa niya.
Sey naman ni Juris, “Good answer! But you know for me, it’s a treat for everyone. Pero it’s actually also a treat for me coz I will be able to perform with these guys again.”
Sabi uli ni Kean, “Na-realize ko lang din, ito pala yung tipo ng concert na puwedeng magkakasama rin talaga yung buong pamilya.
“Kasi yung genre na sakop nitong gagawin namin, e, alam mo yun, parang… maganda na magkakaibigan, pamilya, magkasama. Kasi good vibes lang talaga yung ibibigay namin. So yun,” dagdag ng singer.
Reaksyon naman ni Ice, “Totoo yun, totoo yun! Kasi yun yung… I think kaya kami pinagsama-sama in the first place, e. Kasi we represent different genres, di ba? And so busog na kayo sa aspeto na yun sa music pa lang.
“But ilagay mo pa yung mga iba-ibang ingredient kagaya ng pagmamahal, kagaya ng alam mo yun, hindi lang pagmamahal sa music pero pagmamahal namin sa isa’t isa.
“I think it will just show the people that alam mo yun, ahhmm it’s amazing to see people onstage just having fun.
“And fun doesn’t just mean na nag-e-enjoy lang kayo basta-basta but you know, giving life to the songs that we will be singing…
“Dito, maraming aabangan dito because of course, the nostalgia of it all, di ba? How we all started. Pero ang gusto ko rin ditong part, siyempre makikita nyo rin ang journey namin.
“Sa 10 years na hindi kami magkakasama, ang daming nangyari sa mga careers namin. And ang pinaka-excited akong part dito is we have this segment called The Unreleased Songs.
“So, this is the first time that you will be hearing these songs sa inyong lahat. I’ve never performed the song that I’ll be singing. Marami sa amin dito, hindi pa nape-perform.
“So excited din kami para marinig ninyo kung sino kami ngayon, 10 years after nung huli kaming magkakasama,” pagbabahagi pa ni Ice.
Tickets for “Love, Sessionistas: A Pre-Valentine Concert” are now available at Ticketworld or at https://bit.ly/LoveSessionistasConcert, Fire and Ice Live! (0917-7003262) or [email protected].
It is brought to you by Fire and Ice Entertainment and produced by Fire and Ice Live.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.