Jessica Soho binisita si Santa Claus sa Finland

ISANG White Christmas Special ang hatid ng Kapuso Mo, Jessica Soho tonight!

Bumiyahe si Jessica Soho papuntang Arctic Circle sa Hilagang Europa para bisitahin ang inaasahang magiging isa sa top tourist destinations sa 2017 at isa sa mga nangungunang Christmas destinations sa buong mundo – ang Finland!

Matapos ang 16 oras na biyahe, tumambad sa KMJS team ang sub-zero na klima. At pagbaba pa lang sa airport, kapansin-pansin na ang pagpapahalaga ng mga Finnish sa isa sa pinakasikat na simbolo ng Pasko – si Santa Claus.

At sa Kakslauttanen Arctic Resort, pinatuloy mismo ni Santa Claus si Jessica sa kanyang tahanan!

Naririto rin sa Kakslauttanen ang milyun-milyong reindeers ni Santa. Dito sinubukan ni Jessica Soho ang pagsakay sa sleigh habang hila-hila ng mga reindeer.

Bibisitahin din ng KMJS ang pinakamalaking ski resort sa Finland, ang Ruka Ski Resort. Pero ang isa talaga sa sinasadya rito sa Lapland, Finland – ang Aurora Borealis o Northern Lights. Ito ang mga nagsasayawang ilaw sa kalangitan dulot ng banggaan ng solar winds sa kalawakan.

Kukumustahin din ni Jessica ang ilan sa mahigit 3,000 Pilipino na naninirahan at nagtratrabaho sa Finland.

May side trip pa ang programa sa bansang Norway para matikman ang sikat nilang king crabs na aabot ng hanggang dalawang metro ang haba at 16 kilo ang bigat. Pero bago ito matikman, kailangan daw ay ikaw muna ang manghuhuli sa mga higanteng alimangong ito!

Abangan lahat ‘yan sa Kapuso Mo, Jessica Soho, ngayong gabi pagkapos ng Hay, Bahay! sa GMA 7.