Encantadia, 24 Oras, KMJS, Pepito, EB wagi sa ratings game
SANYA LOPEZ, GLAIZA DE CASTRO, KYLIE PADILLA AT GABBI GARCIA
MAS lalong tumaas ang rating ng Encantadia sa pagpasok nina Kylie Padilla (Amihan), Gabbi Garcia (Alena), Sanya Lopez (Danaya) at Glaiza de Castro (Pirena) bilang mga dalagang Sang’gre.
Sa katunayan, ang Encantadia ang nangungunang Kapuso program sa buong bansa at sa Urban Luzon noong Hulyo base sa huling survey ng Nielsen.
Hindi nabigo ang mga Encantadiks sa todo-todong suporta na binigay nila sa programa ng Kapuso Network dahil halatang hindi ito tinipid sa budget at mas pinaganda pa ang storya.
Tiyak na mas marami pang kaabang-abang na eksena ang masasaksihan ng mga manonood sa mga darating pang episodes ng serye sa GMA Telebabad pagkatapos ng 24 Oras.
Bukod sa Encantadia, kasama rin sa top-rating programs sa NUTAM at Urban Luzon ang kaka-launch lamang na Descendants Of The Sun, ganu’n din ang 24 Oras, Kapuso Mo, Jessica Soho, Pepito Manaloto, Magpakailanman, 24 Oras Weekend, Ismol Family, Poor Señorita at Eat Bulaga.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.