Aljur, Janine patutunayan sa Once Again ng GMA na may ‘forever’
SPEAKING of Once Again, sa unang pagkakataon magtatambal nga sa teleserye sina Aljur at Janine at in fairness, talagang inilagay ito ng GMA sa primetime.
Ang Once Again ay kuwento ng pag-iibigan na magpapatunay sa lahat na may “forever”, sabi nga ni Janine, “It explores the limitless beauty of love being true and real through the phenomenon of reincarnation.”
Gagampanan ni Janine ang karakter ni Reign Soriano/Des Mateo habang si Aljur naman ay si Edgar del Mundo/Aldrin Sanchez. Magkakainlaban ngunit paghihiwalayin din ng tadhana. Mamamatay ang dalawa sa magkahiwalay na trahedya.
Ngunit sa hindi maipaliwanag na pagkakataon, muling magkikita ang dalawa after 20 years – sa ibang panahon at sa ibang pagkatao. Ngunit nananatili pa rin ang pagmamahal nila sa isa’t isa. Exciting, di ba?
Makakasama rin sa Once Again sina Jean Garcia, Sheryl Cruz, Chanda Romero, Joko Diaz, Emilio Garcia, Timmy Cruz, Thea Tolentino at Jeric Gonzales.
May special roles naman sa serye sina Christopher de Leon, Bembol Roco, Irma Adlawan, Sharmaine Arnaiz at Phytos Ramirez, sa direksyon ni Don Michael Perez.
Magsisimula na ang Once Again sa May 2 after Poor Señorita sa GMA Telebabad.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.